غزني کې د یوې سرګلولې چاودنې د ماشومانو په ګډون ۶ کسان ټپیان کړي

غزني ښار ( پژواک، ۲ ورۍ  ۱۴۰۲): د غزني په واغظ  ولسوالۍ کې د یوې زړې سرګلولې چاودنې له امله یوه ښځه او پنځه ماشومان ټپیان شوي دي.

ځایي چارواکي وایي، پېښه نن ماښام مهال شاوخوا ۶ بجې د دې ولسوالۍ د چهارده په سيمه کې د کوچیانو په یوه خېمه کې هغه مهال وشوه چې ماشومانو پر یوې سرګلولې لوبې کولې.

د غزني د اطلاعات او فرهنګ ریاست د اطلاعاتو امر مولوي منصور افغان پژواک خبري اژانس ته وویل، په پېښه کې یوه ښځه او پنځه ماشومان ټپيان شوي چې د غزني ملکي روغتونو ته لېږدول شوي دي.

هغه زیاته کړه چې په ټپيانو کې د دوو ماشومانو حالت د اندېښنې وړ بلل شوی دی.

ويل کېږي چې یاده سرګلوله پخوانۍ وه او ماشومانو له نورو زړو وسپنو سره راټوله کړې وه.

د یادونې ده، څه وخت مخکې هم د غزني اندړو ولسوالي کې د یوې پخوانۍ سرګلولې چاودنې له امله درېیو ماشومانو ته مرګ‌ژوبله اوښتې وه.

غړي

You need to subscribe to view the full article. Please login or register a new account.