فیروزکوه (پژواک، ۸ وری ۱۴۰۲): د غور سیمهییز مسوولین وایي، د دغه ولایت په تازه تشکیل شوې ولسوالۍ «الفاروق» کې د امنیتي کسانو او قاچاقبرانو ترمنځ د نښتې په پایله کې درې قاچاقبر نیول شوي او یو یې ټپي شوی دی.
د غور د والي ویاند مولوي عبدالواحد حماس پژواک خبري اژانس ته وویل، د امنیتي ځواکونو او قاچاقبرو ترمنځ دغه نښته تېره شپه د نوې تشکیل شوې ولسوالۍ الفاروق په مربوطاتو کې وشوه.
هغه زیاته کړه: «تېره شپه د غور ولایت د الفاروق ولسوالۍ په مربوطاتو کې د مجاهدینو او د نشهیي توکو قاچاقبرانو ترمنځ نښته وشوه چې درې کسان یې نیول شوي، یو یې ټپي شوی او بل یې تښتېدلی دی.»
د نوموړي په خبره، د تښتېدلي کس د نیولو هڅې روانې دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن