کابل (پژواک، ۲۷ غویی ۱۴۰۲): د کورنیو چارو وزارت وایي، له نشهیي توکو سره د مبارزې پولیسو د هېواد په شپږو ولایتونو کې په څو جلا عملیاتو کې له زر جریب ډېره ځمکه د کوکنارو له کښته پاکه کړې ده.
د کورنیو چارو وزارت په خپله ټویټرپاڼه کې لیکلي چې له یادې جملې په بدخشان کې ۵۳۰ جریب ځمکه، ننګرهار کې ۴۳۲ جریب ځمکه، تخار کې ۳۲۵ جریب ځمکه، بغلان کې ۷۰ جریب ځمکه، پروان کې ۶۵ جریب ځمکه او بامیان ولایت کې ۹ جریب ځمکه د کوکنارو له کښت څخه پاکه شوې ده.
خو د کورنیو چارو وزارت روښانه کړې نه ده چې په یاده کچه کروندې د څو ورځو په ترڅ کې له کوکنارو پاکې شوې دي.
سرچینه همداراز زیاتوي چې له نشهیي توکو سره د مبارزې پولیسو په هرات کې د کوکنارو سلګونه جریب کروندې تخریب کړې دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن