کابل (پژواک، ۹ چنګاښ ۱۴۰۲): د کار او ټولنيزو چارو وزارت سبا د شنبې ورځ هم عمومي رخصت اعلان کړې او ويلي چې د لوی اختر په مناسبت د ورکړل شوې رخصتۍ وروستۍ ورځ، د شنبې ورځ ده.
د کار او ټولنيزو چارو وزارت پر خپل ټويټر د لوی اختر رخصتۍ د پای ته رسېدو په اړه یوه اطلاعیه خپره کړې او ويلي يې دي: «ټولو امارتي ادارو ته خبر ور کول کېږي، چې د لوی اختر په مناسبت ورکړل شوې رخصتۍ اخرنۍ ورځ د ۱۴۴۴ هـ ق کال د ذوالحجې د میاشتې ۱۳مه د شنبې ورځ ده.»
سرچينې زياته کړې چې د روان د ۱۴۴۴ هجري قمري کال د ذوالحجې میاشتې ۱۴مه (یکشنبه) به په ټولو «امارتي» ادارو کې رسمیات پیلېږي.
دا په داسې حال کې ده چې ياد وزارت پنځه ورځې وړاندې پر خپل ټويټر ليکلي وو، د ۱۴۴۴ هجري قمري کال د منظور شوې کاليزې له مخې، په ټول هېواد کې د عرفې مبارکې ورځې او د لوی اختر په مناسبت درې ورځې عمومي رخصتي ده.
Visits: 113
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن