ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

کابل کې څلور انسان‌تښتوونکي وژل شوي

کابل کې څلور انسان‌تښتوونکي وژل شوي

author avatar
20 Aug 2023 - 09:00
کابل کې څلور انسان‌تښتوونکي وژل شوي
author avatar
20 Aug 2023 - 09:00

کابل (پژواک، ۲۹ زمری ۱۴۰۲): د کابل په پغمان ولسوالۍ کې د امنیتي کسانو او انسان‌تښتوونکو ترمنځ نښته شوې چې په پایله کې یې څلور انسان‌تښتوونکي وژل شوي او تښتولی کس ترې ژغورل شوى دى.

د کابل امنيې قوماندانۍ ویاند خالد ځدراڼ پر خپله ټوېټرپاڼه لیکلي چې د ځانګړو قطعاتو عمومي قوماندانۍ د یو لړ اوپراتیفي معلوماتو پر اساس تېره شپه د کابل د پغمان ولسوالۍ په پشته بادام سیمه کې عملیات کړي.

هغه لیکلي، یاد عملیات د انسان‌تښتوونکو پر هغې ډلې شوي چې درې ورځې وړاندې یې د محمدامین په نوم یو کس تښتولی و.

هغه لیکلي: «په دغو عملیاتو کې د انسان‌تښتوونکو او مجاهدینو ترمنځ وسله‌واله نښته شوې چې په پایله کې څلور انسان‌تښتوونکي د مجاهدینو له لوري وژل شوي دي.»

ځدراڼ لیکلي چې امنیتي کسانو تښتول شوی کس روغ رمټ ژغورلی او دغه راز امنیتي کسانو ته په دې نښته کې کوم زیان نه دی اوښتی.

Visits: 1385

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.