کابل (پژواک، ۳۰ وږی ۱۴۰۲): د کابل امنیه قومانداني وايي چې پولیسو د کابل ښار د حاجي عبدالقدیر لېسې یو زدهکوونکی د دې لېسې د یوه بل زدهکوونکي د قتل په تور نیولی او زیاتوي، نیول شوی هلک عدلي او قضایي ارګانونو ته سپارل شوی دی.
د کابل امنیې قوماندانۍ ویاند خالد ځدراڼ پژواک خبري اژانس ته وویل: «تېره پنجشنبې د کابل ښار نهمه ناحیه کې د حاجي عبدالقدیر لېسې یوه زدهکوونکي له خوا د فضلالرحمن په نوم د دې لېسې بل زدهکوونکی د چاقو په وسیله وژل شوی دی.»
ځدراڼ زیاته کړه: «قاتل د پولیسو له لوري نیول شوی او په لومړنیو څېړنو کې یې پر خپل جرم اعتراف کړی دی.»
د نوموړي په خبره، نیول شوی هلک د نورو څېړنو لپاره عدلي او قضایي ارګانونو ته سپارل شوی دی.
د سیمې یو اوسېدونکی وایي، فضلالرحمن د پنجشنبې ورځ د ښوونځي د زدهکوونکو له لوري په تشناب کې وژل شوی و او مړی یې د شنبې ورځ هغه مهال چې یو زدهکوونکی تشناب ته ورغی، وموندل شو.
