<p style="text-align: justify;">کابل (پژواک، ۲۲ لړم ۱۴۰۲): د افغانستان د صنعت او سوداګرۍ وزارت وايي، د دغه وزارت سرپرست په مشرۍ یو لوړ پوړی پلاوی له پاکستان او ازبکستان سره په درې اړخیزه ناسته کې د ګډون په موخه اسلاماباد ته روان شو.</p>
<p style="text-align: justify;">د صنعت او سوداګرۍ وزارت په خبرپاڼه کې راغلي چې په دغه پلاوي کې د ماليې، ترانسپورټ او هوايي چلند او بهرنیو چارو وزارتونو استازي ګډون لري.</p>
<p style="text-align: justify;">سرچینې لیکلي چې په دې درې اړخیزه ناسته کې به د سوداګرۍ، ټرانزیټ او پانګونې په برخو کې پر اسانتیاوو او پراختیا بحث وشي.</p>
<p style="text-align: justify;">د سوادګرۍ وزارت همدا راز لیکلي چې ټاکل شوې ده له پاکستان سره په دوه اړخیز جلا مجلس کې د افغانستان د مالونو د ترانزیټ پر ستونزو او اپتا تړون هم خبرې وشي.</p>
<p style="text-align: justify;">د اپتا تړون د افغانستان او پاکستان ترمنځ په ١٣٨٩ کال کې لاسليک شوی چې له مخې یې د افغان سوداګرو موټر کراچۍ او واګه بندرونو ته تګ راتګ کوي.</p>
