<p style="text-align: justify;">فراهښار (پژواک، ۱۷ وری ۱۴۰۳): د فراه امنیه قومانداني وایي چې د دغه ولایت پشتکوه ولسوالۍ کې ناپېژانده وسلهوالو د تراويح لمانځه مهال درې کسان په ډزو وژلي دي.</p>
<p style="text-align: justify;">د فراه امنیه قوماندان مولوي عبدالظاهر خادم د دغه خبر د تایید ترڅنګ پژواک خبري اژانس ته وویل چې دغه پېښه بېګا ماخوستن د پشتکوه ولسوالۍ د «کوټوالي» کلي په جومات کې شوې ده.</p>
<p style="text-align: justify;">هغه وویل چې وژل شوي کسان ملکي وګړي دي.</p>
<p style="text-align: justify;">امنیه قوماندان د جزئیاتو له ورکولو پرته وایي، سیمې ته امنیتي کسان رسېدلي او د پېښې په اړه نور جزئیات به وروسته په ډاګه شي.</p>
