د بلخ په دهدادي کې د یوه کس مړی موندل شوی

مزارشریف (پژواک، د  غویي لومړۍ نېټه ۱۴۰۳): د بلخ امنیتي مسوولین وایي چې د دغه ولایت په دهدادي ولسوالۍ کې د یوه ۳۲ کلن سړي مړی موندل شوی دی.

د بلخ امنیې قوماندانۍ مطبوعاتي دفتر په خبرپاڼه کې راغلي چې د شېرزي په نوم یو ۳۲ کلن ځوان تېره پنجشنبې د مزارشریف ښار د لومړۍ ناحیې د خالد ابن ولید له ښارګوټي ترې‌تم شوی و.

خبرپاڼه زیاتوي چې د یاد کس مړی پرون (جمعه) د بلخ د دهدادي ولسوالۍ د امام بکري پله سیمه کې موندل شوی دی.

د خبرپاڼې معلوماتو له مخې، یاد کس په تېر حکومت د غلا په تور بندي شوی و نو ښایي د شخصي دښمنۍ له امله وژل شوی وي.