نیمروز کې د نشه‌یي توکو دوه کارخونې کشف او سوځول شوې دي

زرنج (پژواک، ۱۱ غویی ۱۴۰۳): د نیمروز ولایت د دلارام ولسوالۍ امنیتي مسوولین وايي، دې ولسوالۍ کې یې د نشه‌یي توکو دوه کارخونې کشف او سوځولې دي.

د نیمروز د دلارام ولسوالۍ له نشه‌یي توکو سره د مبارزې مدیر مولوي سمیع‌الله صمیم پژواک خبري اژانس ته وویل، دې ولسوالۍ کې یې د نشه‌یي توکو دوه کارخونې کشف او سوځولې دي.

هغه وویل، په یادو کارخونو کې یې د شیشې په نوم یوه اندازه نشه‌يي توکي، ۱۲۰ لېتره تېل، ۲۰ کیلوګرامه رنګ، دوه د ګازو ډبې، درې بورۍ سود او دوه بورۍ کاربن نیولي وو چې ځای پر ځای یې له منځه وړي دي.

هغه وویل، د یادو کارخونو په تړاو یې تراوسه څوک نه دي نیولي، خو زیاتوي چې پلټنې یې پیل کړې دي.