پلعلم (پژواک، ۱۸ غويی ۱۴۰۳): د لوګر پوهنې ریاست وایي چې د ملګرو ملتونو د ماشومانو ملاتړ صندوق (UNICEF) له لوري د مرکز پلعلم په ګډون د شپږو ولسوالیو شاوخوا شپږنیم زره زدهکوونکو ته درسي توکی ووېشل شول.
د لوګر پوهنې ریاست ویاند شاهپور عرب پژواک خبري اژانس ته وویل، دغه درسي توکي له لومړي تر درېیم ټولګيو پورې د ۲۳۸ سیمهییزو ټولګیو پر نجونو او هلکانو وېشل شوي دي.
عرب زیاته کړه: «هر زدهکوونکي ته د اړوند ټولګي مکمل کتابونه، د کتابونو یو بیک، ۹ کتابچې، څلور پنسلونه، اته پنسل پاکه، دوه پنسل تراشونه، د لیکنې یوه تخته، یو یو قطی رنګه قلمونه او یو خطکش ورکړل شوي دي.
هغه وایي چې د یادو ښوونځیو د زدهکوونکو ترڅنګ ښوونکو ته یې هم درسي مواد ورکړل شوي او دا لړۍ به دوام ولري.
بلخوا، د یوه سیمهییز ټولګي استاد روحالله پژواک ته وویل، د ملګرو ملتونو د ماشومانو ملاتړ صندوق (UNICEF) له لوري پر زدهکوونکو او ښوونکو بشپړ درسي توکي وېشل شوي دي.
هغه زیاته کړه، که چېرې زدهکوونکو ته پر خپل وخت درسي توکي، په ځانګړې توګه کتابونه ونه رسېږي، درسونو ته رسېدنه نهشي کولای.
بلخوا، په مرکز پلعلم کې د درېیم ټولګي یوې زدهکوونکې ساجدې پژواک ته وویل، خوښه ده چې په یوه سیمهییز ټولګي کې پر لیک لوست بوخته ده.
هغې غوښتنه وکړه چې پوهنې وزارت او نړۍوالو بنسټونه دې په لرو سیمو کې هم له لیک لوسته محرومو زدهکوونکو ته د زدهکړو زمینه برابره کړي.
د یادونې ده، د یونیسف په مالي ملاتړ په لوګر کې لسګونه سیمهييز ټولګي پرانیستل شوي او دا مهال سلګونه ماشومان زدهکړې پهکې کوي.
