<p style="text-align: justify;">قلعهنو (پژواک، ۱۸ غویی ۱۴۰۳): د بادغیس امنیه قومانداني وايي، په دغه ولایت کې دوه کسان د سېلابونو له امله مړه شوي او یو کس بیا د پاپېژانده وسلهوالو له خوا په ډزو وژل شوی دی.</p>
<p style="text-align: justify;">د بادغیس امنیې قوماندانۍ ویاند صدیقالله صدیقي د یوې خبرپاڼې په خپرولو ویلي چې نن سهار د دغه ولایت د بالامرغاب ولسوالۍ په لودیان سیمه کې د یوه ۱۱ کلن ماشوم مړی چې سېلاب وړی و، موندل شوی دی.</p>
<p style="text-align: justify;">په خبرپاڼه کې راغلي چې پرون ماښان د تګابعالم ولسوالۍ په نخچرستان کلي کې هم په اوبو کې د ډوب شوي یوه کس مړی موندل شوی دی.</p>
<p style="text-align: justify;">دغه راز سرچینې ویلي چې پرون له غرمې وروسته نامعلومو وسلهوالو د دغه ولایت د جوند ولسوالۍ د خميځنګل کلي په بازار کې یو کس په ډزو وژلی دی.</p>
<p style="text-align: justify;">سرچینې لیکلي چې د قتل عاملین له سیمې تښتېدلي خو امنیتي ځواکونو یې د پېژندلو او پیدا کولو هڅې پیل کړې دي.</p>
