خوست کې یوه کور ته د لاسي‌ بمونو غورځولو په تور درې کسان نیول شوي

<p style="text-align: justify;">کابل (پژواک، ۲ غبرګولی ۱۴۰۳): د کورنیو چارو وزارت وايي، خوست کې امنیتي ځواکونو درې هغه کسان چې غوښتل یې د پیسو په بدل کې یوه کور ته لاسي بمونه وغورځوي، نیولي دي.</p>

<p style="text-align: justify;">د کورنیو چارو وزارت دغه خبر نن پر خپله <strong><a href="https://x.com/moiafghanistan/status/1793158536714940798">اېکس</a>‌پاڼه</strong> خپور کړی دی.</p>

<p style="text-align: justify;">سرچینې زیاته کړې، له نیول شوو کسانو درې لاسي بمونه هم ترلاسه شوي دي.</p>

<p style="text-align: justify;">د سرچینې د معلوماتو له مخې، د هغه کس د نیولو هڅې هم روانې دي چې یادو کسانو ته یې د دغه «ناوړه» کار لپاره پیسې ورکړې وې.</p>

<p style="text-align: justify;">د یو بل خبر له مخې، د کابل امنیې قوماندانۍ نن پر خپله <strong><a href="https://x.com/KabulPoliceHQ/status/1793147640202310011">اېکس</a>‌پاڼه</strong> لیکلي چې پولیسو تېره ورځ د کابل ښار لسمې امنیتي حوزې مربوطاتو کې یو کس د نشې له زرګونو ګولیو سره نیولی دی.</p>

<p style="text-align: justify;">سرچینې زیاته کړې چې له نیول شوي کس سره اووه زره او ۷۰۰ ذیکب ټابلیټونه نیول شوي دي.</p>

<p style="text-align: justify;">د سرچینې په حواله، د نیول شوي کس دوسیه به له ابتدايي څېړنې وروسته اړوندو بسټونو ته وسپارل شي.</p>