کابل (پژواک، ۱۴ لېندۍ ۱۴۰۳): د روسیې د بېړني حالت وزارت اعلان کړی چې د دغه هېواد ولسمشر ولادیمیر پوتین په سپارښتنه یې افغانستان ته د بشري مرستو پنځمه جوپه لېږلې ده.
د ټاس خبري اژانس د راپور له مخې، په یاده مرسته کې ۲۸ ټنه خوراکي توکي شامل دي چې نن (چهارشنبه) سهار په یوه اېل- 76 الوتکه کې افغانستان ته رسېدلې ده.
د یاد وزارت مطبوعاتي دفتر ویلي: «د یاد وزارت ځانګړې الوتنې د افغانستان خلکو ته د بشري مرستو پنځمه جوپه وسپارله.»
راپور کې راغلي چې یاده بشري مرسته د ولادیمیر پویتن د فرمان او د روسیې د بېړني حالت وزارت وزیر الکساندر کورنکوف له لوري صادر شوي دستورالعملونو له مخې شوې ده.
GET IN TOUCH
NEWSLETTER
SUGGEST A STORY
PAJHWOK MOBILE APP