<p style="text-align: justify;">کابل (پژواک، ۲۳ مرغومی ۱۴۰۳): د افغانستان د کډوالو او بېرته راستنېدونکو چارو وزارت د پاکستان له بندخونو د ۴۵ افغان بندیانو د ازادېدو خبر ورکوي.</p>
<p style="text-align: justify;">د یاد وزارت له لوري په خپره شوې خبرپاڼه کې راغلي چې یاد شمېر افغان بندیان تېره ورځ افغانستان ته راستانه شول.</p>
<p style="text-align: justify;">سرچینې د ننګرهار د تورخم سرحدي امریت له قوله لیکلي، دغه کسان د قانوني اسنادو د نه لرلو له امله د پاکستان په بېلابېلو سیمو کې نیول شوي وو.</p>
<p style="text-align: justify;">سرچینه کاږي، دغه افغان کډوال له درې تر ۱۵ ورځو پورې د حاجي کمپ په بند کې بندیان وو، هېواد ته په راستنېدو سره د همکارو بنسټونو له لوري ورسره بشري مرستې هم وشوې.</p>
<p style="text-align: justify;">دا په داسې حال کې ده چې په دې وروستیو کې پاکستان کې د پولیسو له لوري د افغان کډوالو نیول زیات شوي او دا لړۍ ادامه لري.</p>
