<p style="text-align: justify;">کابل (پژواک، ۶ سلواغه ۱۴۰۳): د پاکستان کراچۍ کې د افغانستان جنرال قونسل وایي، د راحیلې په نوم یوه افغانه، د هغې ماشوم او خاوند چې له دوو کلونو راهیسې د کراچۍ په مرکزي زندان کې بندیان وو، ازاد او بېرته هېواد ته ستانه شول.</p>
<p style="text-align: justify;">کراچۍ ښار کې د افغانستان جنرال قونسل مولوي سید عبدالجبار تخاري په یوه <strong><a href="https://x.com/general_karachi/status/1882822541183758473">ویډیویي</a> </strong>پیغام کې ویلي، راحیله چې له تېرو دوو کلونو راهیسې له خپل ماشوم او خاوند سره یوځای د کراچۍ په مرکزي زندان کې د نشهیي توکو د قاچاق او قانوني اسنادو نه درلودو په تور زنداني وو، پرون ازاد او د چمن له لارې هېواد ته ولېږدول شول.</p>
<p style="text-align: justify;">نوموړي ویلي، د سند ایالت په بېلابېلو بندخونو کې اوسمهال شاوخوا ۳۵ نور افغانان هم بندیان دي او هڅه کوي چې ژر تر ژره یې ازاد او خپلو کورنیو ته واستوي.</p>
<p style="text-align: justify;">د یادونې ده، په تېرو دوو کلونو کې د ښځو او ماشومانو په ګډون څلور زره ۲۶۸ افغانان د سند ایالت له بېلابېلو زندانونو ازاد او هېواد ته رالېږدول شوي دي.</p>
