کابل (پژواک، ۳ سلواغه ۱۴۰۳): د شهیدانو او معلولینو چارو وزارت له دوو خیریه مؤسسې سره د څه باندې ۲۱۸ زره امریکایي ډالرو په ارزښت دوه هوکړهلیکونه لاسلیک کړي دي.
د شهیدانو او معلولینو چارو وزارت دغه خبر تېره ورځ پر خپله اېکسپاڼه خپور کړی دی.
سرچینې زیاته کړې چې د یادو دوو هوکړهلیکونو ټولیز ارزښت ۲۱۸۹۴۱ امریکایي ډالر دی.
سرچینه زیاتوي، د دغو هوکړهلیکونو له مخې به یو شمېر یتیمانو او معلولینو ته په کابل، بلخ او ننګرهار ولایتونو کې د فني او حرفوی زدهکړو کاري فرصتونو برابرولو په برخو کې مرستې ترسره شي.
دا په داسې حال ده چې د شهیدانو او معلولینو چارو وزارت د روانې سلواغې میاشتې په دویمه له یوې نړۍوالې مؤسسې سره د ۹۷ میلیون افغانیو په ارزښت دوه هوکړهلیکونه لاسلیک کړي وو.
د یادونې ده، له دې مخکې هم د شهیدانو او معلولینو چارو وزارت له یو شمېر داخلي او نړۍوالو موسسو سره ورته هوکړهلیکونه لاسلیک کړي دي.
GET IN TOUCH
NEWSLETTER
SUGGEST A STORY
PAJHWOK MOBILE APP