دا راپور واورئ
۰:۰۰ / ۱:۰۰
پارون (پژواک، ۲۸ غویی ۱۴۰۴): د نورستان امنیه قومانداني وایي، د دغه ولایت په کامدیش ولسوالۍ کې د ترافیکي پېښې له امله دوو کسانو ژوند له لاسه ورکړی او یو بل ټپي دی.
د نورستان ولایت د امنیه قوماندانۍ ویاند غلام رحمن حیدري پژواک خبري اژانس ته وویل چې کامدیش ولسوالۍ په مردیش کلي کې یو ډاډسن ډوله موټر سیند ته غورځېدلی دی.
دی وايي، دغه پېښه کې دوو کسانو ژوند له لاسه ورکړی او یو کس ټپي دی.
هغه وويل، د یوه کس مړی موندل شوی او یو بل لاهم نادرکه دی.
