منځپانګې ته تلل
جمعه ۲۰ نومبر ۲۰۲۶ · کابل ۱:۳۰ غ.م
۴°نیمه ورېځ · ↑۱۵° ↓۳°د هوا کیفیت: منځنی

هند افغانانو ته د انلاین ویزو د ورکړې بهیر له سره پیل کړی

· ۱ دقیقه لوستل · ۳۲۳ کتنې · تازه شوی

کابل (پژواک، ۴ غبرګولی ۱۴۰۴): د راپورونو له مخې، هند د تېرې میلادي میاشتې په وروستۍ اونۍ کې افغانانو ته د انلاین ویزو د ورکړې بهیر له سره پیل کړی دی.

هندو ورځپانې تېره شپه راپور ورکړی چې هند د تېرې میلادي میاشتې په وروستۍ اونۍ کې افغانانو لپاره د انلاین ویزې نوی ماډل پیل کړی دی.

راپور کې د حکومتي سرچینو له قوله لیکل شوي چې دغه انلاين ویزې سوداګرو، ناروغانو، لوبغاړو او هنرمندانو ته ورکول کېږي.

سرچینې زیاته کړې، هند کې د افغان زده‌کړیالانو مور او پلار او هغه خلک چې دغه هېواد کې ملکيت لري هم دې ویزو ته غوښتنليک استولی شي.

تر اوسه د هند او افغانستان حکومتونو په رسمي ډول په دې اړه څه نه دي ویلي.