<p style="text-align: justify;">کابل (پژواک، ۲۷ وږی ۱۴۰۴): د راپورونو له مخې، د امریکا په پنسلوانیا ایالت کې یو وسلهوال کس درې پولیس په ډزو وژلي او دوه نور یې ټپیان کړي دي.</p>
<p style="text-align: justify;">رویټرز په یوه <strong><a href="https://www.reuters.com/world/us/three-police-officers-shot-dead-two-wounded-pennsylvania-suspect-killed-2025-09-17/">راپور</a> </strong>کې ویلي چې پرون د چهارشنبې په ورځ د امریکا په پنسلوانیا ایالت کې یوه وسلهوال کس د پولیسو درې افسران په ډزو وژلي او دوه نور یې سخت ټپیان کړي دي.</p>
<p style="text-align: justify;">سرچینې لیکلي، دغه پېښه د پنسلوانیا ایالت سویل ختیځ د یارک ښار کې شوې چې وسلهوال کس هم د پولیسو له لوري وژل شوی دی.</p>
<p style="text-align: justify;">دا په داسې حال کې ده چې د تېرې غبرګولي میاشتې په ۲۵مه هم د امریکا په مینیسوټا ایالت کې د پولیسو په یونیفورم کې یوه کس د ایالتي شورا یوه ډیموکراته غړې او د هغې خاوند په ډزو وژلي وو.</p>
