کابل (پژواک، ۱ وری ۱۴۰۴): د ملي دفاع وزارت وایي، د هلمند ولایت په باباجي ولسوالۍ کې ۶۰ متره ژورې څاه ته یو لوېدلی ماشوم د دغه وزارت د تخنیکي ټیم له لوري وژغورل شو.
د یاد وزارت ۲۱۵ عزم قول اردو په خبرپاڼه کې راغلي چې تېره ورځ د هلمند ولايت د باباجي ولسوالۍ د نري مانده په سيمه کې یو ماشوم ۶۰ متره ژورې څاه ته لوېدلی و.
سرچینه زیاتوي چې یاد ماشوم د دغه وزارت د تخنیکي ټیم له لوري وژغورل شو او روغتیایي حالت یې د ډاډ وړ دی.
