«خوست کې هغه څلور غله ونیول شول چې د امنیتي کسانو په نوم یې غلاووې کولې»

<p style="text-align: justify;">کابل (پژواک، ۹ وری ۱۴۰۵): د خوست امنیه قومانداني وایي، څلور هغه «وسلوال غله» یې نیولي چې د امنیتي کسانو په نوم به د خلکو کورونو ته ننوتل او غلاووې به یې کولې.</p>

<p style="text-align: justify;">د خوست د امنیه قوماندانۍ په خبرپاڼه کې راغلي چې یاد کسان له جنایي جرمونو سره د مبارزې منسوبینو نیولي دي.</p>

<p style="text-align: justify;">خبرپاڼه کې راغلي: «یاد کسان د خوست ولایت مرکز مټه چینه سیمه کې یو ځایي کورته ورغلي وو او د کور له غړو سره یې د وسلوال او فزیکي برخورد ترڅنګ، له هغوی څخه سره زر، دوه میله سلاح او یوه اندازه پیسې غلا کړې وې.»</p>

<p style="text-align: justify;">خبرپاڼه کې راغلي، نیول شویو کسانو په خپلو جرمونو اعتراف کړی.</p>

<p style="text-align: justify;">سرچینه زیاتوي، په یاده پېښه کې درې کسان هم ښکیل دي او د نیولو هڅې یې روانې دي.</p>