کابل (پژواک، ۳۰ غبرګولی ۱۴۰۵): د پاکستان جیونیوز راپور ورکړی چې نن د خیبرپښتونخوا په بنو ولسوالۍ کې د سړک غاړې دوو چاودنو لږ تر لږه اووه کسان وژلي او درې نور یې ټپیان کړي دي.
د جیونیوز د معلوماتو له مخې، دغه دوې چاودنې نن د بنو په بېلابېلو سیمو کې شوې دي.
سرچینې لیکلي چې تر پېښې وروسته امنیتي او مرستندوی ځواکونه سیمې ته رسېدلي او ټپیان یې د درملنې لپاره روغتون ته لېږدولي دي.
ځایي چارواکو ویلي چې د دې پېښې د عاملانو د پېژندلو لپاره پلټنې پیل شوې دي. تر اوسه کومې ډلې د دغو بریدونو مسوولیت نه دی منلی.
د بنو سیمه په وروستیو کلونو کې د بېلابېلو امنیتي پېښو او بریدونو شاهده وه او دغو چاودنو هلته د امنیتي وضعیت په اړه اندېښنې زیاتې کړې
پژ
