د دایکنډي او بامیان ولایتونو د ټولګټو ریاستونو مسوولین وایي، د دغو ولایتونو مواصلاتي لارې د واورې ورېدو له امله بندې شوې دي. د دایکنډي د ټولګټو ریاست سرپرست لعلمحمد یوسفي پژواک اژانس ته…
د کابل- کندهار پر لویهلار د غزني د ګیلان ولسوالۍ په چرلي سیمه کې د یوې ترافیکي پېښې له امله یو کس مړ شوی او دوه نور ټپيان دي.
د میدانوردګو ولایت مسوولین وایي په تېرو لسو میاشتو کې د دغه ولایت ساحې اړوند کابل - غزني پر لویه لار د سړک خرابوالي له امله ۱۲۱ ترافیکي پېښې شوې چې له امله يې ۱۰ کسان مړه او ۱۶۸ نور ټپيان شوي دي.
د افغاني سرې میاشتې مسوولین وایي چې په ټول هېواد کې د سړې هوا، ګازنیونو او ورښتونو له امله ۱۷۵ کسان مړه او شاوخوا ۳۰ نور ټپیان شوي دي.
د دایکنډي د ټولګټو ریاست مسوولین وايي، د سختو واورو او توپان له امله بامیان او کابل ته، د دغه ولایت عمومي لار له بامیان ولایت سره سرحدي سیمه قوناق کوتل کې د تګ راتګ پر مخ تړل شوې ده.
د افغانستان هواپېژندنې ریاست د هېواد په ۱۲ ولایتونو کې د شدید باران او واورې ورېدو د اټکل خبر ورکړی دی.
د پنجشېر د پریان ولسوالۍ د یوه ښوونځي ودانۍ یوه برخه -چې امنیتي ځواکونه پکې اوسېدل- د بخارۍ د اور له امله سوځېدلې ده.
د بلخ په چهارکنت ولسوالۍ کې د یوه کور د خونې چت لوېدو پېښه کې څلور کسان مړه او ١٨ نور ټپيان شوي دي.
د افغانستان د پخواني ولسمشر حامد کرزي مور د ورپېښې ناروغۍ له امله د ترکیې په یوه روغتون کې ساه ورکړې ده.
د سالنګونو د ساتنې او څار مسوولین وايي، د سالنګ لویه لار د مسافرو موټرو پرمخ خلاصه شوې ده.
په کابل کې د ترکيې سفیر، پېښو ته د رسېدو په چارو کې د دولت وزارت له سرپرست سره په ليدنه کې غوښتي چې ښځو ته بايد د اسلامي شريعت په چوکاټ کې د کار اجازه ورکړل شي او دغه هېواد هڅه کوي چې له افغانانو سره لا ډېرې مرستې وکړي.
د بغلان ولایت مسوولین وایي، د واورې ورښت او توپان له امله د سالنګ لویهلاره د هر ډول ترافیکو پرمخ تړل شوې ده.
د کابل _ جلالاباد لويېلارې په اوږدو کې د لغمان ولايت په مربوطاتو کې د دوو موټرو د ټکر له امله يو کس مړ شوی او ۱۴ نور ټپيان دي.
د کونړ په شیګل ولسوالۍ کې تېره شپه د یوه کور د خوني چت لوېدلی چې له امله یې درې کسان مړه او شپږ نور ټپیان شوي دي.
د پاکستان په بلوچستان ایالت کې د یوه موټر چپه کېدو پېښه کې ۴۰ کسان مړه شوي دي.
د افغانستان هواپېژندنې ریاست د هېواد په ۱۹ ولایتونو کې د شدید باران او واورې ورېدو د اټکل خبر ورکړی دی.
په سالنګونو کې ځایي چارواکي وایي، د وروستیو واورو ورېدو له امله د سالنګ لویهلار د ټریلري موټرو پر مخ تړل شوې خو نور باروړونکي او مسافروړونکي موټرونه کولی شي چې تګ راتګ وکړي.
د صنعت او سوداګرۍ وزارت وايي، په هېواد کې د سړې هوا له امله زرګونه خلک د امکاناتو له کمښت سره مخ دي او خصوصي سکټور دې په دې برخه کې مرستې وکړي. د یاد…
د طبیعي پېښو پر وړاندې د مبارزې وزارت وايي، په روان ژمي کې د سختې سړې هوا له امله په تېرو شاوخوا دوو اونیو کې ۱۵۸ کسان مړه شوي دي.
