د افغانستان بانک وایي، د یونما مشرې د دغه بانک له رئیس سره په لېدنه کې د هېوادونو په اقتصادي رغښت کې د مالي او بانکي سکتور وده او پرمختګ د ارزښت وړ یاد کړی او په دې برخه کې یې د همکارۍ ژمنه کړې ده.
د کانونو او پټرولیم وزارت وایي، د دغه وزارت یو پلاوی د چین په رسمي بلنه د کان کیندنې همکارۍ د ترویج کنفرانس کې د ګډون په موخه یاد هېواد ته ولاړ.
هلمند کې نن کورنیو تولیداتو او محصولاتو ته د بازار موندنې په موخه درې ورځنی ملي نندراتون پرانیستل شو.
د افغانستان د کانونو او پټرولیم وزارت له یوه ترکي شرکت سره د جوزجان ولایت یتیم تاق سیمې د سمنټو پروژې تړون د ۱۶۳ میلیون امریکایي ډالرو په ارزښت لاسلیک کړ.
یوه مېرمن چې د نیمروز ولایت په مرکز زرنج ښار کې یې په اووه زره افغانیو د خوږو پخولو یوه کارګاه جوړه کړې، وایي، دمګړۍ لس نورې ښځې ورسره کار کوي او که ملاتړ یې وشي، راتلونکي کې به ډېرو ښځو ته د کار زمینه برابره کړي.
دوحه کې د افغانستان سفارت وايي چې د افغانستان او قطر هېوادونو ترمنځ د پروازونو په برخه کې هوکړهلیک لاسلیک شو.
د بلخ یو شمېر اوسېدونکي شکایت کوي چې هېواد کې د ډالرو بیې له لوړوالي سره ډېر ژر د خوراکي توکو بیې هم لوړېږي، خو له ښکته کېدو سره يې بیا د خوراکي توکو نرخونه نه ټيټېږي.
د اسلامي امارت د مشرتابه په یوه فرمان کې اړوندو ادارو ته سپارښتنه شوې چې په بندرونو، عبوري نقطو او لویو لارو کې د سوداګرۍ لپاره لازمې اسانتیاوې برابرې کړي.
د افغانستان برېښنا شرکت وايي، دوو شرکتونو د غزني - کندهار پنځو سبسټېشنونو جوړولو برخه کې پانګونې ته لېوالتیا ښودلې ده.
د کانونو او پټرولیم وزارت سرپرست له یو شمېر افغان سوداګرو سره د افغانستان په کانونو کې د کورنیو او بهرنیو پانګهوالو پر راجلبولو او په دې برخه کې پر شته فرصتونو خبرې کړې دي.
نن په کابل ښار کې د تېرې شنبې په پرتله د قزاقي اوړو او بورې بیې ټیټې شوې خو د افغانیو پر وړاندې د ډالر ارزښت بېرته یو څه لوړ شوی دی.
د ریاستالوزراء اقتصادي معاونیت وايي، د روان زېږدیز کال په تېرو نهو میاشتو کې له افغانستانه بهر ته د شاوخوا ۷۳۷ میلیون ډالرو په ارزښت کرنیز محصولات صادر شوي دي.
خوست کې د جلغوزو يو شمېر سوداګر وايي چې دغه ولایت کې لا هم د جلغوزيو کاروبار پر پاکستانۍ کلدارو کېږي چې باید مخه یې ونیول شي.
د اوبو او انرژۍ وزارت سرپرست وایي، د لومړنیو اټکلونو او سروېګانو له مخې، افغانستان کولای شي نږدې ۳۱۸ ګیګاواټه برېښنا د نوېکېدونکې انرژۍ له سرچینو تولید کړي.
د اطلاعاتو او فرهنګ وزارت وایي، له کتابپلورنځیو له اسلامي او افغاني ارزښتونو سره په ټکر کې شاوخوا ۴۰۰ عنوانه کتابونه راټول شوي او د دې په بدل کې به کتابپلورونکو او خپرندويو ټولنو ته قرانکريم، تفاسير او نور کتابونه ورکړل شي.
هرات کې د چرګانو یو لوی فارم په ورځ کې د شاوخوا ۵۰ زره هګیو د تولید په ظرفیت سره بیاځلي فعال شوی او مسؤولین یې وايي، د تولید ډېرېدو لپاره یې حکومت باید له بهره د چرګانو هګیو پر وارداتو بندیز ولګوي.
د احصایې او معلوماتو ملي اداره د ارقامو په وړاندې کولو سره وايي چې د زمري میاشتې په پرتله په وږي میاشت کې د صادراتو اندازه ډېره شوې خو واردات کم شوي دي.
کابینې د مالیې وزارت د دویمې ربعې غیرمالیاتي عوایدو راپور تایید کړی او ټولو وزارتونو او خپلواکو ادارو ته یې سپارښتنه کړې چې د پراختیایي بودجې د لګښت په اړه د دغه راپور وړاندیزونه په پام کې ونیسي.
د افغانستان د صنعت او سوادګرۍ وزارت وایي، د قزاقستان په الماتا ښار کې د افغان او قزاقي چارواکو ترمنځ ناسته وشوه او د دواړو هېوادونو ترمنځ د سوادګریزو اړيکو پر پراختیا خبرې وشوې.
د اوبو او انرژۍ وزارت وايي، د دوو ایراني او افغاني شرکتونو مسوولینو د دغه وزارت له سرپرست سره په لیدنه کې له غزني تر کندهاره د پنځو سبسټېشنونو جوړولو برخه کې پانګونې ته لېوالتیا ښودلې ده.
د بلخ ولایت برېښناکوټ (کود و برق) فابریکې مسوولین وایي چې دې فابریکې تېر کال ۳۵ زره او ۲۱۹ ټنه کیمیاوي سره تولید کړې ده.
د افغانستان د صنعت او سوداګرۍ وزارت وايي چې افغان – قزاق نړۍوال نندارتون پرون د قزاقستان په الماتا ښار کې پرانیستل شو.
کابل ښار کې یوه سوداګره فرشته هاشمي چې د ۱۰۰۰ امریکایي ډالرو په پانګونه یې د لاسي صنایعو برخه کې کاروبار پیل کړی او اوس یې ۷۰۰ نورو مېرمنو ته د کار زمینه برابره کړې وايي، هغه ښځې چې بېکاره دي، هم کولای شي په پنځه زره افغانیو کوچني کاروبارونه پیل کړي.
د کانونو او پټرولیم وزارت وایي، پلاوي یې په چین کې د دغه هېواد له دوو شرکتونو غوښتي څو په افغانستان کې پانګونه وکړي.
