منځپانګې ته تلل
چهارشنبه ۱۸ نومبر ۲۰۲۶ · کابل ۱۲:۵۹ غ.م
۳°صاف · ↑۱۴° ↓۱°د هوا کیفیت: منځنی
برخه

ښوونه او روزنه

۳،۰۵۱ راپورونه

راپورونه

د هېواد د سړو سیمو ښوونځي د سختې ګرمۍ له امله د پنځو ورځو لپاره رخصتېږي

د پوهنې وزارت د یوې اعلامیې په خپرولو اعلان کړی چې د هوا د ډېرې ګرمېدو له امله د هېواد د سړو سیمو ټول ښوونځي د چنګاښ له ۱۱مې بیا تر ۱۵مې رخصت دي او د چنګاښ له ۱۶مې نېټې څلورنیم‌میاشتنۍ ازموینې پيلېږي.

د خوست صبریو یعقوبیو ولسوالۍ د یوه ښوونځي زده‌کوونکي د ودانۍ نشتوالي له امله د هدیرې ترڅنګ زده‌کړې کوي

د خوست ولایت په صبريو یعقوبیو ولسوالۍ کې د «خلبيسات» په نوم د یوې لېسې زده‌کوونکي چې د کتابونو بکسونه یې اوږو ته اچولي، سهار وختي د یوې هدیرې په لور روان دي؛ د دوی د درس ځای همدلته دی او له کومې سرپناه، مېز او چوکۍ پرته زده‌کړې کوي.

بدخشان کې یوه نالوستي کس خپله ۲،۵ جریب ځمکه د یوه ښوونځي ودانۍ لپاره وقف کړې ده

د بدخشان د تشکان ولسوالۍ د یوې لرې پرتې سیمې یوه نالوستي اوسېدونکي ۲،۵ جریب شخصي ځمکه د خپلې سیمې ښوونځي د ودانۍ لپاره پوهنې ریاست ته وقف کړې ده، څو د کلي ماشومان یې د ده په څېر نالوستي پاتې نه شي.

معارف کې درې‌نیمې لسیزې خدمت؛ د غلام‌حیدرخان لېسې بریالی مدیر اسدالله کوهستاني تقاعد شو

اسدالله کوهستاني له ۲۴ کلونو پرله‌پسې او اغېزناک مدیریت وروسته وتوانېد څو د کابل ښار د غلام‌حیدرخان ښوونځی چې یو وخت د جنجالي او بې‌نظمه ښوونځي په نوم یادېده، پر یوه منظم ښوونیز بنسټ بدل کړي؛ هغه وايي، د «معارف له خلکو سره او خلک له معارف سره» شعار په عملي کولو یې عمومي باور جلب او په دغه ښوونځي کې یې د زده‌کړو بهیر په دوامداره توګه پیاوړی کړ.

لوګر کې د کانکور ازموینه پیل شوه

د لوګر ولایت د لوړو زده‌کړو موسسې مسوولین وایي چې نن د دغه ولایت د ښوونځیو له ۲۵۰۰ فارغینو د کانکور ازموینې اخیستو لړۍ پيل شوه.

رسنۍ د ښوونکي په رول کې؛ افغانستان کې د زده‌کړو برخه کې یو نوښت

یو شمېر زده‌کوونکي، ښوونکي او د پوهنې برخې مختصصین په هېواد کې د رسنیو له لارې د تعلیمي خپرونو وړاندې کېدل ستايي او د هغو د لا پراختیا غوښتنه کوي؛ بلخوا، د اطلاعاتو او فرهنګ وزارت هم د دغسې خپرونو پر ډېرېدو ټینګار کوي.

مسکا؛ هغه نجلۍ چې له ښوونځي تر راګرځېدو وروسته یې نورو زده‌کړو ته مخه کړې

کابل کې د مسکا هوتک په نوم ۱۸ کلنه نجلۍ چې د نجونو ښوونځیو له شپږم د پورته ټولګیو زده‌کړو له ځنډېدو وروسته یې د دیني علومو، انګليسي ژبې او کمپیوټر زده‌کړو ته مخه کړې، هیله‌منه ده چې د ښوونځي دروازې به د نجونو پر مخ پرانیستل شي.

د ننګرهار پوهنې ریاست د کډوالو ماشومانو د ثبت او هغوی ته د لارښوونې ځانګړې کمېټه ګومارلې

د ننګرهار ولایت د پوهنې ریاست وایي، د دې لپاره چې د راستنېدونکو کډوالو ماشومان له زده‌کړو پاتې نه شي، یوه ځانګړې کمېټه یې ګومارلې څو ښوونځیو کې د شاملولو لپاره دغه ماشومان ثبت کړي او لارښوونه ورته وکړي.

بلخ او بغلان کې نږدې ۵۰۰ ښوونځي ودانۍ نه‌لري

د بلخ او بغلان ځايي مسوولین وايي، دغو ولایتونو کې لا هم نږدې ۵۰۰ ښوونځي ودانۍ نه‌لري او زده‌کوونکي یې د ژمي په سړه هوا او د اوړي په ګرمۍ کې تر شنه اسمان لاندې زده‌کړې کوي.

لغمان کې لا هم ۱۰۴ ښوونځي ودانۍ نه‌لري

د لغمان د پوهنې ریاست مسوولین وایي، د دغه ولایت په مرکز او ولسوالیو کې لا هم ۱۰۴ ښوونځي ودانۍ نه لري خو په خبره یې چې دغه ستونزه یې له پوهنې وزارت او یو شمېر موسسو سره شریکه کړې ده.

یوناما افغانستان کې تر شپږم ټولګي پورته د نجونو زده‌کړو ځنډېدو پر دوام اندېښنه ښودلې

د یوناما مشرې، افغانستان کې تر شپږم ټولګي پورته د نجونو زده‌کړو د ځنډېدو پر دوام خواشيني څرګنده کړې ویلي یې دي چې دغه چاره د افغانانو سوکالي زیانمنوي او نړۍوال دې د پوهنې برخه کې له افغانانو ملاتړ وکړي.

په سړو سیمو کې د نوي ښوونیز کال پیل؛ د ا.ا چارواکو د دیني او عصري علومو پر اړتیا ټینګار وکړ

د افغانستان د پوهنې وزارت سرپرست په سړو سیمو کې د نوي ښوونیز کال د پیل اعلان مراسمو کې د دیني او عصري علومو پر اړتیا ټینګار وکړ او ویې ویل چې یاد وزارت د ښوونځیو لپاره پر نوي نصاب کار کوي.

جوزجان کې یوې نجلۍ د خیاطي کارګاه په جوړولو د زده‌کړو محدودیتونه پر فرصت بدل کړي

د جوزجان په مرکز شبرغان ښار کې د زېب‌النساء په نوم یوه نجلۍ توانېدلې چې په کلک هوډ سره د ځان او نورو نجونو لپاره د پرمختګ نوې لار پرانیزي، هغې د خیاطي د یوې کارګاه په جورولو سره لسو نورو ښځو ته هم د خیاطۍ زده‌کړې زمینه برابره کړې ده.

نور راپورونه