روغتیا

د پکتیا مرکز ګردېز کې د نشه‌يي توکو د روږدو ۳۰ بستریز روغتون کې تر درملنې لاندې یو شمېر روږدي وايي چې تر رغېدو وروسته دې ورته د حرفوي زده‌کړو او کار زمینه برابره شي.

د خوست د ډاکټرانو او درملو اتحادیو په ګډه د دغه ولایت په ځاځي میدان ولسوالۍ کې د سلګونه اوسېدونکو لپاره د روژې میاشتې په مناسبت د یوه ورځني وړیا روغتیايي کمپ خدمتونه وړاندې کړل.

د لوګر د عامې روغتیا ریاست وایي چې د دغه ولایت په بره‌کي‌برک ولسوالۍ کې ۱۲ درملتونونه د غیرقانوني فعالیت له امله تړل شوي دي.

د عامې روغتیا سرپرست په کابل کې د ایران له سفیر په لیدنه کې د روغتیايي کارکوونکو ظرفیت لوړولو، باکیفیته روغتیايي خدمتونو وړاندې کولو او د روغتیا په برخه کې پر دوه اړخیزو همکاریو خبرې کړي دي.

د عامې روغتیا وزارت وایي چې د روان زېږدیز کال په تېرو دوو میاشتو کې د هېواد په کچه ۳۷۰ زره کسان پر تنفسي ناروغیو اخته شوي چې ډېری یې ماشومان دي.

د بغلان یو شمېر اوسېدونکي وايي، د دغه ولایت په مرکز پلخمري کې دې د سل‌بستریز روغتون جوړولو چارې چې له تېرو شپږو کلونو راهیسې ولاړې دي، بېرته پیل شي.

د بدخشان د لسو ولسوالیو یو شمېر اوسېدونکي په دغو ولسوالیو کې د روغتونونو او متخصصو ډاکټرانو له نشتوالي شکایت کوي او وایي، لازمو روغتیایي خدماتو ته د لاسرسي لپاره اړ دي څو په سختو لارو اوږد مزل وکړي چې له امله یې ځیني وخت ناروغان د لارې په اوږدو کې ژوند له لاسه ورکوي.

د خوست عامې روغتيا رياست مسوولین وايي، د روان میلادي کال په تېرو دوو میاشتو کې په دغه ولایت کې له ۳۰۰ ډېر ماشومان د شري پر ناروغۍ اخته شوي دي.

روغتیايي متخصصین وايي، په بدن کې د وینې کمښت د نجونو او مېندوارو ښځو پر روغتیا جدي اغېزې درلودلای شي او کله چې د وینې کموالي نښې لکه ګنګسیت، د رنګ الوتل، د زړه ضربان او کم‌خوبي ولیدل شي، باید ژر تر ژره ډاکټر ته مراجعه وشي.

د عامې روغتیا وزارت د خوړو او درملو مرستیال د پاکستان د درملو جوړولو اتحادیې او د درملو تنظیم ادارې له مسوولینو سره انلاین ناسته کې له یاد هېواده افغانستان ته د واردېدونکو درملو او خوراکي توکو پر کیفیت ټینګار کړی.

د پکتيا د عامې روغتيا رياست وايي چې د روان میلادي کال په تېرو دوو میاشتو کې په دغه ولایت کې د شري ناروغي د تېر کال د همدې مودې په پرتله ۶۰ سلنه ډېره شوې ده.

د کندوز یو شمېر اوسېدونکي، په دغه ولایت کې د درملو له ټيټ کیفیت او په خصوصي روغتونونو کې د روغتیایي خدمتونو له ضعیفوالي شکایت لري او له مسوولینو غواړي څو دې برخې ته ډېره پاملرنه وکړي.