فراه کې ۷۰۰۰ لیټره تېزاب او نور نشهيي توکي ترلاسه شوي
د فراه ولایت امنیې قوماندانۍ ويلي، نن د دغه ولایت په بکوا ولسوالۍ کې د کشفي عملیاتو په پایله کې ۷۰۰۰ لیټره تېزاب او یوه اندازه نشهيي توکي کشف او ضبط شوي دي.
امنیت او جرمونه
راپورونه
فاریاب کې یو کس د امنیتي ځواکونو په خطایي ډز کې وژل شوی خو عامل یې نیول شوی دی
د فاریاب امنیتي سرچینې وایي، د دغه ولایت په اندخوی ولسوالۍ کې د چاڼیزو عملیاتو پرمهال، یو کس د امنیتي ځواکونو په خطایي ډز کې وژل شوی؛ خو د دغه قتل عامل نیول شوی او تر څارنې لاندې دی.
تېر يوه کال کې ٢٠٩٥ کسان د نشهيي توکو د قاچاق په تور نيول شوي
د کورنیو چارو وزارت له نشهيي توکو سره د مبارزې معنيت وايي، په تېر يوه کال کې سلګونه کيلوګرامه نشهيي توکي کشف او ترلاسه شوي چې په تړاو يې ٢٠٩٥ کسان هم نيول شوي دي.
هلمند کې د نشهيي توکو دوه کارخونې له منځه وړل شوې دي
هلمند کې مسوولین وايي چې پرون د دغه ولایت په ګرشک ولسوالۍ کې د نشهيي توکو دوه کارخونې سوځول شوې دي.
د فراه پولیسو سلګونه کیلوګرام نشهيي توکي ترلاسه کړي
د فراه امنیه قومانداني وايي، پرون د دغه ولایت په مربوطاتو کې ۶۰۰ کیلوګرام بېلابېل ډول نشهيي توکي نیول شوي دي.
د هرات امنیه قومانداني: د حرفوي غلو درې کسیزه ډله مو نیولې
په هرات کې امنیتي سرچینې وايي، په هرات ښار کې د عملیاتو پرمهال د حرفوي غلو یوه درې کسیزه ډله نیول شوې ده.
هلمند کې د چاڼیزو عملیاتو پر مهال د درېیو ښځو په ګډون پنځو کسانو ته مرګژوبله اوښتې ده
د هلمند ځايي مسوولین وايي، وړمه ورځ د دغه ولایت په مرکز لښکرګاه کې د تصفيوي عملیاتو پر مهال د لفظي شخړې په پایله کې د ډزو له امله دوه ښځې وژل شوې او د یوې ښځې په ګډون څو کسان ټپيان دي.
ننګرهار کې د کانونو د ناقانونه کېندنو مخنيوي لپاره ځانګړې امنيتي قطعه جوړېږی
د ننګرهار د کانونو او پټروليم رياست چارواکي وايي، په دغه ولايت کې د کانونو د غير قانوني کېندنو او قاچاق د مخنيوي لپاره ځانګړې امنيتي قطعه جوړېږي. د چارواکو په وينا، د ننګرهار په…
کندهار کې چاودنې د یوې کورنۍ درې کسان وژلي
د کندهار په ژېړۍ ولسوالۍ کې د چاودنې له امله د یوې کورنۍ درې کسان وژل شوي او دوه نور ټپیان دي.
کندهار کې د کورونو د پلټنې عملیات پيل شول
چارواکي وايي، له کابل او یو شمېر ولایتونو وروسته په کندهار کې هم د کورونو د پلټنې عملیات پيل شوي چې موخه یې د امنیت لا ټینګښت دی.
ننګرهار کې یو کس چې له نقابه په استفاده یې د پېري په نوم زدهکوونکي وېرول، نیول شوی
د ننګرهار ولايت سيمهييز چارواکي وايي، په پچيراګام ولسوالۍ کې يې هغه نقابپوښ نيولی چې له څه مودې راهېسې يې د ښوونځيو او مدرسو کوچني زدهکوونکي ډارول.
هلمند کې دوه کسان د انسانتښتوونکو له منګولو ازاد شول
د هلمند د اطلاعاتو او فرهنګ ریاست مسوولین وايي، د دغه ولایت امنیتي ځواکونو پرون د انسانتښتوونکو له منګولو دوه کسان ازاد او خپلو کورنیو ته يې وسپارل.
وروستی افغان بندي حاجي بشر نورزی د ګوانتانامو له زندانه خوشی شو
د ګوانتانامو له زندانه وروستی افغان بندي حاجي بشر نورزی خوشی شوی او کابل ته رارسېدلی دی.
کونړ کې له روغتونه تښتول شوی ماشوم پيدا او کورنۍ ته يې وسپارل شو
د کونړ له ولایتي روغتونه غلا شوی ماشوم پرون د امنیتي ځواکونو له خوا پيدا او کورنۍ ته يې سپارل شوی دی.
کابل کې د صنعتګرو غونډه تر لفظي شخړې او ډز وروسته ګډوډه شوه
هغه ناسته چې د کابل د کانونو او صنایعو خونې د رییس ټاکلو په تړاو د خبرو اترو په موخه جوړه شوې وه، د صنعتګرو ترمنځ له لفظي شخړې وروسته د یوې مرمۍ په ډز…
د مزارشریف له ښاره یو ۱۲ کلن ماشوم تښتول شوی
د بلخ امنيتي مسوولين وايي چې ناپېژانده کسانو د مزارشريف د درېيمې حوزې له مربوطاتو د محمديوسف په نوم يو ١٢ کلن ماشوم تښتولى دى.
بلخ کې د ميتانول الکول څښلو له امله درې کسان مړه شوي
د بلخ امنیتي مسوولين وایي چې د دغه ولایت په مرکز مزارشریف ښار کې لس کسان د ميتانول الکول څښلو له امله مسموم شوي وو چې درې تنه يې مړه شوي دي.
هلمند کې د غلاوو او انسانتښتونې په تور ۲۴ کسان نیول شوي
د هلمند د اطلاعاتو او کلتور ریاست وايي، د تېرې اونۍ په اوږدو کې په دغه ولایت کې د دوو انسان تښتوونکو په ګډون ۲۴ غله نیول شوي دي .
غزني کې د یوې مېرمنې او د هغې د څلورو ماشومانو قاتلین نیول شوي
د غزني چارواکي وایي، د دغه ولایت په زنخان ولسوالۍ کې د يوې مېرمنې او د هغې د څلورو ماشومانو قاتلین يې نيولي دي. د زنخان ولسوال مولوي حمدالله، پژواک خبري اژانس ته وویل چې…
بغلان کې یوه کس خپله ښځه وژلې ده
د بغلان د اطلاعاتو او فرهنګ ریاست وايي، پرون د دغه ولایت مرکز پلخمري اړوند په «قول پلنګ» سیمه کې یوه کس خپله مېرمن په چاړه وهلې او وژلې ده.
هلمند کې یوه کس ځان وژلی
د هلمند د اطلاعاتو او فرهنګ ریاست مسوولین وایي، تېره شپه د دغه ولایت مرکز لښکرګاه ښار د لومړۍ امنيتي حوزې اړونده سيمه کې یوه کس ځان وژلی دی.
پروان کې څلور کسان د انسانتښتونې په تور نیول شوي
د پروان ولایت امنیه قومانداني، د دغه ولایت په بګرام ولسوالۍ کې د انسانتښتونې او وسلهوالو غلاوو په تور د څلورو کسانو له نیولو خبر ورکوي.
دفاع وزارت: د هغو وېډیوګانو په اړه چې ګواکې پنجشېر کې د جګړې بندیان وژل شوي، جدي څېړنې روانې دي
په ټولنيزو شبکو کې د هغو وېډیوګانو له خپرېدو وروسته چې ګواکې د سرپرست حکومت د ملي امنيت ځواکونو په پنجشېر ولايت کې يو شمېر نيول شوي کسان په ډزو وژلي، د ملي دفاع وزارت وايي، که دا وېډيوګانې نوې او د پنجشېر اړوند وي، عاملان به يې د قانون منګولو ته وسپارل شي.
