مهترلام (پژواک، ۳۱ وږی ۱۴۰۱ ): د لغمان مسوولین وايي، د دغه ولایت په دولت شاه ولسوالۍ کې د دوو کورنیو غړو ترمنځ شخړې کې پنځه کسان وژل شوي دي.
د دولت شاه ولسوال قاري عبدالقاهر متوکل پژواک اژانس ته وویل، پرون ماښام شاوخوا شپږ بجې د فرشغان درې په کیل بلاده سیمه کې د دوو کورنیو غړو ترمنځ له لفظي شخړې وروسته وسله واله نښته شوې ده.
هغه زیاته کړه چې په پېښه کې د یوه لوري پلار، مور او زوی وژل شوي او د بلې کورنۍ یوه ښځه او خاوند يې وژل شوي دي.
ده وویل چې امنیتي ځواکونه سیمې ته رسېدلي او د ښکېلو غاړو اته کسان او څلور میله وسله يې نیولې ده.
GET IN TOUCH
NEWSLETTER
SUGGEST A STORY
PAJHWOK MOBILE APP