بلخ کې تښتول شوى ماشوم محمد یوسف وژغورل شو

<p style="text-align: justify;">مزارشریف (پژواک، ۴ تله ۱۴۰۱): بلخ کې تښتول شوى ماشوم محمديوسف ژغورل شوی او خپلې کورنې ته سپارل شوی دی.</p>

<p style="text-align: justify;">تېره اونۍ د مزارشريف ښار د درېيمې حوزې د کارته باختر له ساحې ناپېژاندو وسله والو  ١٢ کلن محمديوسف تښتولى و خو نن سهار د حکومتي مسوولينو له خوا له ژغورنې وروسته خپلې کورنۍ ته وسپارل شو.</p>

<p style="text-align: justify;">د اړوندې موضوع په اړه د بلخ والي قدرت الله ابو حمزه وويل چې د امنيتي ځواکونو د هلو ځلو په ترڅ کې محمديوسف ژغورل شوى او خپلې کورنۍ ته وسپارل شو.</p>

<p style="text-align: justify;">ده وويل چې د يادې پېښې په تړاو درې ښځې او پنځه سړي نيول شوي دي.</p>

<p style="text-align: justify;">والي دا هم وويل چې پخوا په دغه ولايت کې جنايي جرمونه په لوړه کچه ترسره کېدل خو اوس يې کچه نږدې صفر ته راټيټه شوې ده.</p>

<p style="text-align: justify;">په همدې حال د تښتول شوي ماشوم پلار ډاکټر عبدالقیوم حکیمي د امنیتي ځواکونو له هڅو مننه وکړه او ويې ويل چې انسان تښتوونکو د زوی د خلاصون په بدل کې ترې ډېرې پیسې غوښتې وې.</p>

<p style="text-align: justify;">خو دى وايي چې د امنيتي ځواکونو د هڅو په پايله کې يې نن زوى پرته له پیسو ورکولو خلاص شو.</p>