ټولنه

د کونړ یو شمېر اوسېدونکي وایي، په دغه ولایت کې دې د ځنګلونو ساتنې په موخه د شنې قطعې ځواکونو شمېر ډېر او په عصري او مجهزو وسایلو سمبال شي.

سیمه‌ییز مسؤولین وایي، په ننګرهار کې له اووه زره راستنو شوو کورنیو سره نغدي او په لوګر کې له ۱۲۳۳ کورنیو سره د خوراکي توکي او په لغمان کې له لسګونو کورنیو سره د سویابین اصلاح شوي تخم مرسته وشوه.

د اروزګان په چورې ولسوالۍ کې د ترینکوټ پر سیند د پله نړېدو له امله خلک په ورځنیو چارو کې له ستونزو سره مخ دي.

د احصایې او معلوماتو ملي اداره وایي چې په متحده عربي اماراتو کې یې مېشتو افغانانو ته د برېښنایي تذکرو د وېش څانګه پرانیستله.

د شهیدانو او معلولینو چارو وزارت وایي، تر دې مهاله یې په ټول هېوا کې یتیمانو، کونډو او معلولینو ته د روان کال د لومړیو شپږو میاشتو درې میلیارده افغانۍ میاشتني حقوق حواله کړې او پاتې کسانو ته به هم په نږدې ورځو کې حواله شي.

د دایکنډي ولایت د پاتو ولسوالۍ ځيني اوسېدونکي مخابراتي خدماتو ته د نه لاسرسي له امله شکایت کوي او وایي، د ټیلیفوني اړیکو ټینګولو برخه کې له جدي ستونزو سره مخ دي.

د اروزګان مرکز ترینکوټ ښار کې له څه‌کم درې کلونو ځنډ وروسته د خیروکاریز سیمې د ماسټر پلان پلې ‌کېدو پاتې چارې بیا پیل شوې دي.

د هلمند سیمه‌ییز مسوولین وايي، د تېرې یوې میاشتې په لړ کې د دغه ولایت د مارجې ولسوالۍ په بېلابېلو سیمو کې له غاصبینو څه باندې درې زره جریب غصب شوې ځمکه راګرځول شوې ده.

د فراه ولایتي مسوولین وايي چې د دغه ولایت په فراه‌رود ولسوالۍ کې د دوو دښمنو قومونو ترمنځ ۲۰ کلنه دښمني په دوستي بدله شوه.

نیمروز کې ځايي سرچینې وايي، درې ماشومان چې له خپلې کورنۍ سره پر قاچاقي لار ایران روان وو، د سختې ګرمۍ او تندې له امله لاره کې مړه شوي دي.

د اروزګان ځایي مسوولین وایي، د دیني عالمانو، قومي مشرانو او مسوولینو په منځګړي‌توب د دغه ولایت په ګېزاب ولسوالۍ کې د دوو کورنیو ترمنځ دښمني پای ته ورسېده.

د خوست ځاځي میدان ولسوالۍ اوسېدونکي وايي، د قومي تړون پر اساس په خپله ولسوالۍ کې د ځنګلونو ساتنه کوي.