ټولنه

د پکتيا سیمه‌ییز مسوولین وایي، د ځاځي اريوب ولسوالۍ اړوند د سپینې شګې تفريحي پارک يو خصوصي شرکت ته د ۱۲ کلونو لپاره په قرارداد ورکړل شو.

پروان کې په نورو برخو کې د کار نشتوالي له امله حرفوي او فني زده‌کړو ته د ځوانانو لېوالتیا ډېره شوې او په هغوی کې داسې کسان هم شامل دي چې لوړې زده‌کړې لري.

بامیان کې سیمه‌ییز مسوولین وايي چې د دغه ولایت په کهمرد ولسوالۍ کې د څه باندې ۲۸ میلیون افغانیو په لګښت د اوبو رسولو د اوو شبکو د جوړولو کار پیل شو.

د ملګرو ملتونو د بشري مرستو د همغږۍ دفتر (اوچا) وایي، ملګرو ملتونو افغانستان کې له زیانمنېدونکو ټولنو سره د مرستو لپاره ۱۶.۶ میلیونه ډالر ځانګړي کړي دي.

بادغیس کې سیمه‌ییز مسوولین وايي، په دغه ولایت کې د دوو قومونو ترمنځ د څو کلونو دښمني د قومي مشرانو او حکومت په منځګړيتوب پای ته ورسېده.

د تخار د چاه‌اب یو شمېر اوسېدونکي وایي چې د دې ولسوالۍ سړکونه خراب دي، کلینیکونه او ښوونځي یې ودانۍ نه لري او له حکومته غوښتنه کوي چې د دغه ولایت د کانونو عواید دې دوی ته د خدماتو په وړاندې کولو کې ولګېږي.

د کندوز ځایي مسوولین وایي چې د دغه ولایت په مرکز کې د دوو کورنیو ترمنځ درې کلنه دښمني د قومي مشرانو په منځګړیتوب او د ځایي مسوولینو په هڅو پای ته رسېدلې ده.

د لوړو زده‌کړو وزارت سرپرست په جلال‌اباد ښار کې د التقوا نړۍوال علمي او څېړنیز کنفرانس د پرانیستې پر مهال وویل چې د علومو ارتقا د هېواد د اقتصادي ودې لپاره مهم او اغېزناک تمامېدای شي.

لوګر کې مسوولین وایي، د دغه ولایت د ازرې او خروار ولسوالیو اوسېدونکي د پوهنې، روغتیا، کرنې او سړکونو برخو کې له ستونزو سره مخ دي چې ډېر ژر به رسېدنه ورته وکړي.

د لغمان د بادپښ یو شمېر اوسېدونکي وايي، د دې ولسوالۍ ځینو کلیو ته د برېښنا رسولو پروژه چې چارې یې د تېر حکومت پر مهال ۹۵ سلنه ترسره شوې، بشپړه شي.

د سوېل‌ختيځ زون په څلورو ولايتونو کې د لسګونو کوچنيو او منځنیو متشبثينو او لسو کنسرسيومونو د مالي ملاتړ پروګرام پيل شو.

پل‌علم (پژواک، ۸ غويی ۱۴۰۴): د لوګر د اطلاعاتو او فرهنګ ریاست وايي چې د دغه ولایت په مرکز پل‌علم او ولسوالیو کې د لرغونو