بلخ

د کار او ټولنيزو چارو وزارت مسوولین وايي چې د کارموندنې او بې‌کارۍ کمولو په موخه یې په بلخ ولایت کې ۱۶۰ کسانو ته د حرفوي زده‌کړو زمينه برابره کړې ده.

د بلخ ولایت په مربوطاتو کې د کابل – مزارشریف پر لویه لار د یوې ترافیکي پېښې له امله دوه کسان مړه او درې نور ټپیان شوي دي.

د مزارشریف ابو علي‌سینا بلخي حوزوي روغتون مسوولین وایي چې په بلخ کې ۲۴۴ ماشومان د تلسیمیا پر ناروغۍ اخته دي، بلخوا دغه ناروغان له خلکو د وینې او له حکومته د درملنې برخه کې د مرستې غوښتنه کوي.

بلخ ولایت کې د ۱۲ لوبډلو ترمنځ د کرکټ انټرکلب سیالۍ د داوود غني لوبډلې په اتلولۍ پای ته ورسېدې.

د بلخ امنیتي مسوولین وایي چې د دغه ولایت په دهدادي ولسوالي کې د ترافیکي پېښې له امله شپږ کسان ټپیان شوي دي.

د بلخ د دهدادي ولسوالۍ لومړنۍ محمکې یوه کس ته په عام محضر کې تعزیري سزا ورکړې ده.

د مزارشریف ابو علي‌سینا بلخي حوزوي روغتون مسوولین وایي چې سږ کال تر اوسه دغه روغتون ته د زړه پر ناروغۍ اخته ۴۷۳ کسانو مراجعه کړې او بستر شوي دي.

د بلخ د جودو فدراسیون وايي چې د دغه ولایت د مرکز مزارشریف او ۱۴ ولسوالیو د څه باندې سلو لوبغاړو په ګډون د جودو سیالۍ پیل شوې.

د بلخ ولایت مقام وایي چې یو ایراني شرکت غواړي په دغه ولایت کې له افغان سوداګرو سره په ګډه د درملو تولید یوه فابریکه جوړه کړي.

د بلخ ولایت یو شمېر ولسوالیو کې ۱۲۵ راستنو شوو کورنیو ته د ملګرو ملتونو د کډوالو عالي کمېشنرۍ د ۴۴ میلیون افغانیو په لګښت د سرپناه جوړولو چارې پیل شوې.

د بلخ ولایت مقام وایي چې په دغه ولایت کې د «شر او فساد ډلې» یو غړی چې غوښتل یې امنيتي پوستې ته لاسي‌بم وغورځوي، وژل شوی دی.

د بلخ ولایت نهرشاهي ولسوالۍ غالۍ اوبدونکو ښارګوټي کې د ملګرو ملتونو عالي کمېشنرۍ د ۳۵۰ زره امریکایي ډالرو په لګښت د غالۍ اوبدلو او پروسس یو مرکز جوړ او ګټې اخیستنې ته وسپارل شو.