د اسلامي امارت ویاند ذبیحالله مجاهد د هېواد د خپلواکۍ بېرته اخیستو ۱۰۵مې کالیزې په مناسبت ویلي، د انګرېزانو پر وړاندې د افغانانو مبارزې نه یوازې افغانستان کې ښکېلاک پای ته ورساوه، بلکې د سیمې او نړۍ په کچه اشغال شوو هېوادونو کې یې هم ښکېلاک له ماتې سره مخ کړ.
د امریکا متحده ایالتونو بهرنیو چارو وزارت د ویاند مرستیال ویلي چې ا.ا باید له نړۍوالې ټولنې سره د اړیکو له هر ډول عادي کولو مخکې د خپلو بشري حقونو مسایلو کې په اساسي ډول ښهوالی راولي.
اسلامي امارت د زمري میاشتې د ۲۴ مې په مناسبت ویلي، د دې ورځې د راتګ لپاره د خلکو قربانیو د راتلونکو نسلونو لپاره داسې پرېښود چې هېڅکله به هېر نه شي او ژمنه کوي چې له شته نظام څخه به په هر قیمت دفاع کوي.
د افغانستان لپاره د بریتانیا سفارت شارژدافیر ویلي چې لندن له اسلامي امارت سره د نړۍ د اړیکو پراخېدو برخه کې همکاري کوي او غواړي د افغانانو ستونزې هوارې شي.
د ریاستالوزراء دفتر عمومي رییس وايي چې اسلامي امارت د اسلامي اصولو په چوکاټ کې د بیان ازادۍ ملاتړ کوي، څو رسنیز فعالیتونه په هېواد کې پیاوړي او غښتلي شي.
ا.ا وایي، د حماس غورځنګ سیاسي مشر اسماعیل هنیه چې تهران کې یې په یو برید کې ژوند بایلود، یو مسلمان، هوښیار او مدبر فسلطیني مشر و چې سترې قربانۍ یې ورکړې او په دې لاره کې یې خپل نذر پوره کړ.
د هېواد یو شمېر ځوانانو بېکاري لویه ستونزه بللې، تېر حکومت یې د کارموندنې برخه کې پر بېکفایتۍ تورن کړی او د اسلامي امارت له مسوولینو غواړي چې کارموندنې ته لومړیتوب ورکړي.
د بښنې نړۍوال سازمان وایي، نږدې ۳۵۵ زره کسانو د یوه لیک په لاسلیکولو سره د افغانستان له سرپرست حکومته غوښتي چې بشري حقونو ته درناوی وکړي، خو ا.ا په وار وار ویلي چې په افغانستان کې د ټولو حقونه د شریعت په چوکاټ کې خوندي دي.
په بجینګ کې د افغانستان سفارت وایي، د اقتصاد وزارت د سرپرست په مشرۍ د ا.ا یو پلاوی د ټرانس همالیا نړۍوال فورم څلورمه سرمشریزه کې د ګډون په موخه چې ته ورغلی دی.
د ریاستالوزراء سیاسي مرستیال د نړۍ له ټولو هېوادونو سره پر مثبت تعامل د ټینګار ترڅنګ ویلي، د مثبت تعامل په پایله کې له نړۍ سره د ا.ا اړيکې مخ په پراخېدو دي.
د بهرنیو چارو وزارت وایي، د اسلامي امارت د مشرتابه له هدایت سره سم د ذبیحالله مجاهد په مشرۍ پلاوی د دوحې په راتلونکې ناسته کې ګډون کوي.
د افغانستان د بهرنیو چارو وزارت د روسیې د بهرنیو چارو وزیر د هغو څرګندونو هرکلی وکړ چې د افغانستان له حکومت سره یې د لا ډېرو باثباته، دوامداره او حقیقي خبرو اترو ملاتړ کړی.
د روسيې بهرنيو چارو وزير ویلي چې د ټولیز امنيت تړون سازمان (CSTO) غړي هېوادونه له اسلامي امارت سره د معنالرونکو خبرو غوښتونکي دي.
د اسلامي امارت مشر په اختريز پيغام کې د ټولو حقونو ته پر ژمنیا او د پرمختګونو لپاره پر یوالي ټینګار کړی، له پانګوالو يې هېواد کې د پانګونې غوښتنه کړې، وايي ا.ا له نړۍ سره د شریعت په چوکاټ کې اړيکې غواړي.
د روسیې بهرنیو چارو وزارت ویلي چې د دغه هېواد د ممنوعه ډلو له لېسته د «طالبانو» د نوم ایستلو احتمال له ترهګرۍ سره د مبارزې برخه کې له اسلامي امارت سره د اړیکو د اړتیا له مخې څېړل کېږي.
د افغانستان بهرنیو چارو وزارت وایي چې د اسلامي امارت استازي د تهران په ناسته کې ګډون نه دی او کومې ناستې چې د افغانستان په اړه جوړیږي، د نوو مکانیزمونو رامنځته کولو پر ځای دې پهکې له معمولي مکانیزمونو استفاده وشي.
د ملګرو ملتونو امنیت شورا د اسلامي امارت د ریاستالوزرا پر سیاسي مرستیال، دوو سرپرست وزیرانو او استخباراتو لوی ریاست پر سرپرست د سفر بندیزونه لرې کړي دي.
د افغانستان لپاره د روسیې ځانګړي استازي ویلي، که اسلامي امارت په رسمیت وپېژندل شي، مسکو به د شانګهای همکاریو له سازمان سره د افغانستان د یوځای کېدو ملاتړ وکړي.
د افغانستان بهرنیو چارو وزارت د قزاقستان د هغه اقدام چې د ا.ا نوم یې د ترهګریزو ډلو له لېسته ایستلی هرکلی کړی او ویلي یې دي، دا پرېکړه د دوه اړخیزو اړیکو پر وړاندې د خنډونو لرې کېدو برخه کې مهم دی.
د افغانستان په چارو کې د روسیې ځانګړي استازي ویلي چې اسلامي امارت پر افغانستان بشپړ کنټرول لري او دغه موضوع د مسکو لپاره ډېره مهمه ده.
د ا.ا د مشرتابه د حکم له مخې، هغه اصناف چې کلنی پلور یې تر دوه میلیون افغانیو پورې وي د ثابتې مالیې له ورکړې معاف او له هغو اصنافو او کسبګرو چې کلنی پلور یې له یادې اندازې ډېر وي، د ۰،۵ سلنې پر ځای ۰،۳ سلنه مالیه اخیستل کېږي.
د افغانستان د بهرنیو چارو وزارت د روسیې فدارسیون د رهبرۍ، د بهرنیو چارو وزیر او نورو چارواکو د هغو څرګندونو هرکلی کوي چې له ا.ا سره یې د اړیکو پراختیا په تړاو د سیاسي عزم څرګندونه کړې.
د روسیې ولسمشر له اسلامي امارت سره د اړیکو جوړول اړین وبلل او د اسلامي امارت ویاند هم ویلي چې د تعامل زمینې برابرول د سیمې په ګټه دي او د ثبات رامنځته کېدو سبب ګرځي.
د امربالمعروف، نهي عنالمنکر او شکایتونو اورېدو وزارت سرپرست وایي، اسلامي امارت له نړۍ نور څه نه، یوازې دومره غواړي چې د دغه نظام په اړه دې ناسم قضاوت نه کوي او د هغه رښتينی انځور دې خلکو ته وړاندې کړي.
