د بادغیس یو شمېر اوسېدونکِي او د اوبو چارو کارپوهان په دغه ولایت کې د خپلسرو ژورو او غیرمعیاري څاګانو کیندلو او د ځمکې لاندې اوبو کچې ټیټېدو په اړه اندېښنه څرګندوي او له حکومته د دغه بهیر د مخنیوي غوښتنه کوي.
په بادغیس کې ځيني موټرچلوونکي د تېلو له خراب کیفیته شکایت لري او له حکومته غواړي چې د بې کیفیته تېلو وارداتو مخه ونیسي.
د بادغیس ولایت پولیس وایي چې د دغه ولایت په مرکز قلعهنو ښار کې یو ځوان د ناپېژانده وسلهوالو له لوري وژل شوی دی.
سره له دې چې تېر کلونه او د مخکني حکومت پر مهال بادغیس کې ځنګلونه وهل کېدل خو د دغه ولایت اوسېدونکي وايي چې اوس ا.ا د دوی په سیمو کې د پستې ځنګلونو پر وهلو بندیز لګولی او د دغه اقدام هرکلی کوي.
د بادغیس ځيني اوسېدونکي په داسې حال کې د دغه ولایت په لرغونو سیمو غیرقانوني کیندنو او پلټونو ته اندېښمن دي چې د اطلاعاتو او فرهنګ ریاست د دغه ولایت لرغونو سیمو کې د کیندنو او پلټونو په تړاو د لسګونو کسانو نیول کېدو خبر ورکوي.
د بادغیس امنیه قوماندانۍ وایي، د یاد ولایت په جوند ولسوالۍ کې د ځمکې پر سر د شخړې له امله یو کس وژل شوی او یو بل ټپي شوی دی.
د عدلیې وزارت وايي، د بادغیس ولایت په جوند ولسوالۍ کې شاوخوا ۵۰۰ جریب ځمکه بېرته مسترد شوې ده.
د بادغیس امنيتي مسوولین وايي، د دغه ولایت په قادس ولسوالۍ کې د نشهيي توکو یوه کارخونه له منځه یوړل شوه.
د قیصار – لامان حلقوي سړک د څلورمې برخې قیراچونې چارې بادغیس په غورماچ ولسوالۍ کې پیل شوې چې د پیل په مراسمو کې یې د دغه ولایت والي وویل، هېچا ته اجازه نه ورکوي چې د دغه سړک جوړولو کار ودروي.
د بادغیس امنیې قوماندانۍ دوو پېښو کې د دوو ځوانو ښځو وژل کېدو خبر ورکړی او ویلي یې دي چې یو کس د یوې ښځې د قتل په تور نیول شوی دی.
د بادغیس امنيتي مسوولین وايي، د دغه ولایت په مرکز قلعهنو کې د موټر چپه کېدو له امله يو تن وژل شوی او څلور نور ژوبل شوي دي.
په بادغیس کې یو شمېر غالۍاوبدونکې مېرمنې په دغه ولایت کې د خپلو محصولاتو د خرڅلاو بازار کمرنګه کېدو او د بیو ټیټېدو په اړه اندېښنه ښيي او د ملاتړ غوښتنه کوي. د غالۍاوبدنې صنعت…
د بادغیس عامې روغتیا ریاست د دغه ولایت له اوسېدونکو غواړي چې د لوی اختر په ورځو کې د څارویو حلالولو پر مهال باید کلک محافظتي تدابیر ونیسي، څو پر کانګو ناروغۍ اخته نه شي.
د بادغیس امنیه قومانداني وایي، د دغه ولایت په مرکز قلعهنو کې یو کس په ډزو وژل شوی دی.
د ډاکټرانو یوه ډله د ۱۵ ورځو لپاره د سترګو وړیا درملنې په موخه بادغیس ولایت ته سفر کړی او د دغه ولایت یو شمېر اوسېدونکو یې هرکلی کړی دی.
د باغیس په لرې پرتو ولسوالیو کې یو شمېر ښځې د ښځینه متخصصینو له نشتوالي شکایت لري او له حکومته غواړي چې دې ستونزې ته یې رسېدنه او د ښځینه ډاکټرانو ګومارلو ته جدي پاملرنه وکړي.
د ماشوم له نړۍوالې ورځې سره هممهاله، د بادغیس ولایت یو کارګر ماشوم محمد وايي چې د بېوزلۍ له امله له ښوونځي بېبرخې شوی او اړ دی چې د یوې مړۍ ډوډۍ موندلو لپاره ټوله ورځ خځلې راټولې کړي.
د بادغیس یو شمېر اوسېدونکي وایي، ښاروالۍ هټۍوالو ته نرخپاڼه جوړه کړې او وېشلې ده خو له پلېکېدو یې څارنه نه کوي چې له امله یې هټۍوال تر اوسه توکي په خپله خوښه بیو پلوري.
په بادغیس کې د ښځو د لاسي صنایعو ملاتړ په موخه د ځانګړي بازار له پرانیستلو سره هممهاله د دغه ولایت سیمهییز چارواکي له ښځینه متشبثینو د لا ډېر ملاتړ خبره کوي.
په بادغیس ولایت کې د ښوونځيو ځيني زدهکوونکي د درسي کتابونو له کمښته شکایت لري او له اړوندو ادارو غواړي څو دې ستونزې ته رسېدنه وکړي.
په بادغیس کې یو شمېر تحصیلکړي ځوانان وايي، د کار نشتوالي له امله اړ شوي چې په ناقانونه توګه ګاونډيو هېوادونو ته ولاړ شي؛ دوی له اسلامي امارته غواړي چې د کاري فرصتونو برابرول دې په خپلو کاري لومړيتوبونو کې ځای کړي.
د بادغیس امنیه قومانداني وايي، د دغه ولایت په بالامرغاب ولسوالۍ کې د یوه لڼډکروزر موټر چپه کېدو پېښه کې ۵ کسان مړه او ۹ نور ټپیان شوي دي.
