شخړه

د فراه د اطلاعاتو او فرهنګ ریاست وايي، د دغه ولایت په پرچمن ولسوالۍ کې د دوو کورنیو ترمنځ د شخړې له امله درې کسان وژل شوي او دوه نور ټپیان دي.

سېمه‌ییز مسوولین وایي، د غزني ولایت په ناهور ولسوالۍ کې د مېشتو کوچیانو د  دوو قومونو تر منځ لس کلنه دښمني حل شوه.

د میدان‌وردګو امنیه قومانداني وایي، د دغه ولایت د سیداباد ولسوالۍ اړوند د شېخ‌اباد درې په زرني سیمه کې د ځايي کوچیانو ترمنځ خپلمنځي شخړه کې یو کس وژل شوی او یو بل سخت ټپي دی.

د ننګرهار امنيتي چارواکي وايي، بټي‌کوټ ولسوالۍ کې د دوو کورنيو خپلمنځي شخړه کې درېيو کسانو ته مرګ‌ژوبله اوښتې ده.

اروزګان کې ځايي مسوولین وايي چې د دغه ولایت چارچینو ولسوالۍ کې د یوه روغتیايي کلینیک د فعالیت پر سر د تره د زامنو ترمنځ شخړه شوې چې په نتیجه کې یې درې کسان وژل شوي او یو بل ټپي دی.

د نورستان امنيتي مسوولين وايي چې د دغه ولایت په کامدېش ولسوالۍ کې د دوو کسانو ترمنځ د پور پر سر شخړه کې يو کس وژل شوی او بل ټپي دی.

د ننګرهار امنیه قومانداني وايي، د دغه ولايت په دره‌نور ولسوالۍ کې د دوو کورنيو ترمنځ د شخړې له امله درې کسان وژل شوي او درې نور ټپیان دي.

خوست کې د دوو کورنيو ترمنځ خپل‌منځي شخړه کې يو ډاکټر وژل شوی او شپږ کسان ټپيان شوي دي.

  د میدان وردګو ولایت سیمه ییز مسولین وایې،  چې جلرېز ولسوالۍ کې د دوو کورنيو ترمنځ فزیکي شخړه شوې چې له امله یې درې تنه ټپيان شوي.

د لغمان امنیتي مسوولین وایي چې د دغه ولایت په الیشنګ ولسوالۍ کې د والیبال لوبې پر مهال شخړه کې څلور کسان وژل شوي دي.

د پروان امنیه قومانداني وایي چې د دغه ولایت په بګرام ولسوالۍ کې د ځمکې پر سر شخړه کې یو کس وژل شوی او پېښې په تړاو دوه کسان نیول شوي دي.

ځایي مسوولین وایي، د اروزګان په ګېزاب ولسوالۍ کې د دوو قومونو ترمنځ د ځمکې پر سر رامنځته شوې دېرش کلنه شخړه په سوله‌ییزه توګه هواره شوه.