هرات

هرات کې ځايي مسوولین وايي، له وروستیو سېلاب‌ځپلو سره د مرستو په دوام د ترکیې یوه بله د خوراکي او غیرخوراکي توکو کڅوړه د تورغونډۍ بندر له لارې هرات ته راورسېده.

هرات کې ځايي مسوولین وايي، په دغه ولایت کې د نشه‌یي توکو ۱۳۰۰ روږدي له یوه مراقبتي او درملیز پړاو وروسته بېرته له خپلو کورنیو سره یوځای شول.

د ملي دفاع وزارت وايي چې د هرات په ۲۰۷ الفاروق قول‌اردو کې ۳۸۰ میله بېلابېلې وسلې او ۲۱۳ پوځي وسایط ترمیم شوي دي.

ځايي مسوولین وايي، په هرات کې د ۲۰۰ زره ډالرو په لګښت یو جامع جومات جوړ شو او د میدان‌وردګو په بهسودو ولسوالۍ کې د یوه چک‌ډیم جوړولو چارې پیل شوې.

مسوولین وايي چې د هرات ښار له بېلابېلو سیمو څه باندې ۶۰۰ سوالګر ټول شوي چې تر ارزونې وروسته به مستحقو کسانو ته میاشتنی معاش وټاکل شي.

یو خیریه بنسټ د افغاني سرې میاشتې په همکارۍ هرات ولایت کې د سترګو ناروغانو د وړیا درملنې څلور ورځنی کمپاین پیل کړی دی.

هرات کې امنیتي سرچینې وايي، د دغه ولایت په کشک رباط سنګي ولسوالۍ کې پنځه وسله‌وال کسان چې غوښتل یې یو صراف وتښتوي، د امنیتي ځواکونو له لوري ونیول شول.

په هرات کې ځيني کروندګر وایي چې د وروستیو ورښتونو او کچالانو ته د تقاضا ډېرېدو له امله د دغه ولایت په ځینو ولسوالیو کې د دغه محصول کرلو ته د کروندګرو لېوالتیا ډېره شوې ده.

د هرات امنیه قومانداني وايي، هغه کس چې د دغه ولایت په کرخ ولسوالۍ کې یې خپلې دوه مېرمنې په ډزو وژلې وې، د پولیسو له لوري نیول شوی دی.

د هرات ځایي مسوولین وایي چې په دغه ولایت کې له ۱۵۰ دیني عالمانو د قضاء او افتا برخو کې د دوکتورا معادل د دیني تخصصونو لومړنۍ ازموینه واخیستل شوه.

د هرات د امنیې قوماندانۍ مسوولین وايي چې د کوکنارو د کښتونو د له منځه وړلو کمپاین له پیله راهیسې په دغه ولایت کې شاوخوا ۲۰۰ جریب ځمکه د کوکنارو له کښته پاکه شوې ده.

هرات کې یو شمېر هغه ښځې چې انلاین سوداګرۍ ته یې مخه کړې وایي، انلاین پلورنځي د یوې نوې پدیدې په توګه کولی شي د کاروبار بازار غوړېدا کې اغېزناک وي او باید هغه ښځې چې په دې برخې کې فعالیت کوي، وروزل شي.