هرات کې د چرګانو یو لوی فارم په ورځ کې د شاوخوا ۵۰ زره هګیو د تولید په ظرفیت سره بیاځلي فعال شوی او مسؤولین یې وايي، د تولید ډېرېدو لپاره یې حکومت باید له بهره د چرګانو هګیو پر وارداتو بندیز ولګوي.
د ننګرهار د کرنې او مالدارۍ رياست وايي چې د دغه ولایت په دوو ولسوالیو کې د بېوزلو کورنیو د اقتصادي ملاتړ په موخه ۱۴۰ مېرمنو ته د هګیو چرګانو کوچني فارمونه جوړ شول.
ننګرهار کې د يوه خصوصي شرکت له لوري د ۱۲۰ ميليونه افغانيو په لګښت د چرګانو د روزنې يو ستر فارم جوړ او پرانیستل شو.
د ننګرهار کانال رياست وايي چې په دغه ولایت کې یې د خصوصي سکټور په ۱،۷ میلیون ډالرو د چرګانو د روزنې او تولید لوی فارم جوړ کړی دی.
کابل ښاروالي وایي چې ۵۰ زره و ۶۰ کیلوګرامه د چرګانو خوسا شوې غوښه یې د کابل ښار د ۹ ناحیې اړوند سیمه کې په یوه ګدام کې کشف کړې او له منځه وړې ده.
ننګرهار ولايت کې د چرګانو د توليد او روزنې د فارمونو مسوولين وايي، د پخوا په نسبت يې توليدات ډېر شوي چې ورسره له پاکستانه د چرګانو وارداتو مخه نیول شوې ده.
په سمنګان کې د چرګانو فارملرونکو ټولنه په دغه ولایت کې د چرګانو فارمونو د تولیداتو له ډېرېدو خبر ورکوي او وایي، هره ورځ ۲۵ ټنه د چرګ غوښه ګاونډیو ولایتونو ته صادرېږي.
د بلخ په مرکز مزارشریف کې د یو میلیون امریکايي ډالرو په پانګونه د چرګانو عصري او معیاري حلالځای (کشتارګاه) جوړ شو.
د کرنې وزارت وايي، افغانستان ته د هغو چرګانو واردات چې وزن يې له دوو کیلوګرامه ډېر وي او هغو هګيو چې له فريزر پرته افغانستان ته وارديږي، واردات بند شوي دي.
د تخار د کرنې ریاست مسوولین وایي، د داخلي تولیداتو په برخه کې پانګونې ته د خلکو لېوالتیا د دې لامل شوې چې په دغه ولایت کې د چرګانو له ۲۰۰ ډېر فارمونه جوړ شي او فعالیت ولري.
د افغانستان د چرګانو تولید او پروسس اتحادیې مسوولین وایي، د اقتصادي ستونزو، له بهره د چرګانو واردېدو او د خوراکي توکو بيو لوړېدو له امله په هېواد کې د چرګانو څه باندې ۵۶۰۰ فارمونه تړل شوي دي.
په ننګرهار کې د چرګانو فارم لرونکي وايي، د چرګانو د دانې بيې لوړېدو او له پاکستانه په ډېر شمېر د چرګانو واردېدو یې کاروبار له ستونزو سره مخ کړی دی.
د زابل په مرکز کلات کې له ۵۰ بېوزلو مېرمنو سره د ۲،۵ میلیونه افغانیو په ارزښت د چرګانو د تولید او ساتنې د وسایلو مرسته وشوه.
د هلمند د کرنې او مالدارۍ رياست وايي، د دغه ولايت په مرکز او دوو ولسواليو کې يې ۱۰۵ بېوزلو کورنيو ته د چرګانو د روزنې کوچني فارمونه جوړوي.
په خوست کې د غوښې چرګانو فارم لرونکي او هټۍوال وايي چې په دې وروستيو کې په دغه ولايت کې د چرګانو ٧٠٠ فارمونه تړل شوي دي.
په کندهار کې د برېښنا د کمښت او ګڼو نورو ستونزو سربېره د چرګانو دانې د تولید یوه لویه فابریکه فعاله ده چې د کابل په ګډون د هېواد ۱۵ ولایتونو ته خپل تولیدات استوي.…
د بلخ په مرکز مزارشریف ښار کې د لومړي ځل لپاره د چرګانو حلالولو او غوښې د توليد یوه معیاري کارخونه جوړه شوه.
د ننګرهار د صنعت او معدن خونه وايي چې له دغه ولايت څخه د چرګانو ۷۶ ټنه دانه تاجکستان هېواد ته صادره شوه. د يادې خونې مسوولين وايي، د "تل پسرلى" کرنيز…
د سپين بولدک- چمن لارې له تړل کېدو وروسته د ګڼو نورو توکو ترڅنګ د چرګانو بیه هم لوړه شوې او نیمايي فارمونه یې تړل شوي دي. په کندهار کې د چرګانو پلورونکي وایي، پخوا…
په کندهار کې د چرګانو ساتنې فارمونو مسوولین وايي، له پاکستانه د ژوندیو چرګانو او له یو شمېر هېوادونو د غوښې وارداتو په کندهار کې د چرګانو ساتنې تولید او صنعت زیانمن کړی دی. دوی…
