پکتیا کې یو شمېر هغه کروندګر چې شنې خونې یې جوړې کړې، د خپلو دغو خونو له حاصلاتو خوښ دي خو وايي چې حکومت او اړوند موسسې دې د مسلکي کسانو د روزنې او نباتي ناروغیو مخنیوي برخو کې مرسته ورسره وکړي.
د کمال خان بند اوبو له خوشې کېدو وروسته د دغه ولایت کروندګر خوښ دي او هیله څرګندوي چې راروان کال کې به یې کښت ښه او حاصلات ډېر وي.
د جوزجان د کرنې ریاست وايي چې د دغه ولایت په اقچه ولسوالۍ کې د یوې کرنیزې پروژې په پیلېدو سره ۹۳۰ کروندګرو ته د لنډمهاله کار زمینه برابره شوه.
د فاریاب د کرنې ریاست مسوولینو په دغه ولایت کې د زعفرانو کښت له ډېرېدو خبر ورکوي خو وايي چې له ځینو ستونزو لکه د خپلو محصولاتو لپاره د مناسب بازار او د حکومت د ملاتړ له نشتوالي سره مخ دي.
د ننګرهار د کرنې رياست وايي، د ملګرو ملتونو د خوړو او کرنې نړۍوالې ادارې له لوري په دغه ولایت کې ۲۱زره او ۱۰۰ ګروندګرو ته د غنمو اصلاح شوی تخم او کېمیاوي سره ووېشل شول.
د اروزګان ولایت په مرکز ترینکوټ او ولسوالیو کې ۱۷ زره کروندګرو ته د غنمو اصلاح شوي تخم او کېمیاوي سرې د وېشلو لړۍ پیل شوه.
بغلان کې کروندګر وایي، حکومت په داسې حال کې له بزګرانو څخه اضافه شوي غنم پېري چې دغه ولایت کې د وریجو د حاصلاتو ټولولو وخت دی او له دوی سره اضافي غنم نه پیدا کېږي، دوی غوښتنه کوي چې د غنمو پر ځای دې ورڅخه وریجې وپېري.
د بلخ کروندګر او بڼوال هېواد ته د واردېدونکو کرنیزو درملو له ټیټ کیفیته شکایت کوي او وايي، د دغو درمل کارول کښتونو او باغونو ته د ګټې پر ځای زیان اړوي.
د بلخ کروندګر په دغه ولایت کې د خټکیو بیو بېساري ټیټېدو ته اندېښمن دي او له حکومته غواړي چې د بازارموندنې برخه کې مرسته ورسره وکړي.
د کونړ د ځینو ولسوالیو یو شمېر کروندګر وايي، کرنیزې ځمکې یې د احتمالي سېلابونو له ګواښ سره مخ دي او غوښتنه کوي چې د دغو ځمکو د تخریب مخنیوي لپاره دې ورته استنادي دېوالونه، سربندونه او چکډیمونه جوړ شي.
د ننګرهار يو شمېر کروندګر چې وروستيو ورښتونو او سېلابونو يې ځمکې، فصلونه او باغونه زيانمن کړي، له حکومته د مرستو غوښتنه کوي.
لغمان کې یو شمېر کروندګر وایي، د کال څلور فصله بېلابېل ډول سبزیجات کري او د پلازمېنې کابل په ګډون یې د هېواد ډېرو ولایتونو ته صادروي، خو د نرخونو ټیټوالي له امله زیان ویني.
د دایکنډي یو شمېر کروندګر د کچالو محصولاتو زېرمه کولو لپاره د سړو خونو له نشتوالي شکایت کوي او وايي چې د دغه محصول یوه برخه له پلور مخکې خرابېږي.
سرپل کې یو شمېر کروندګر د پیازو د بیې ټیټوالي له امله اندېښنه څرګندوي او وايي، حکومت دې له ګاونډیو هېوادونو څخه د پیازو د وارداتو مخه ونیسي او یا دې د دغه محصولاتو پر وارداتو ګمرکي تعرفه لوړه کړي.
هلمند کې یو شمېر کروندګر وایي، له تېرو دوو کلونو راهیسې ټول هېواد کې د کوکنارو پر کښت بندیز لګول شوی، خو حکومت تر اوسه د بدیل کښتونو برخه ورسره همکاري نه ده کړې.
کندهار کې یو شمېر کروندګر وايي، د پخوا په نسبت دغه ولایت کې د زعفرانو کښت او حاصلات ډېر شوي او له حکومته غوښتنه کوي چې په کور دننه او بهر بازار ورته پیدا کړي.
اروزګان کې یو شمېر کروندګر روانې وچکالۍ اندېښمن کړي او وايي، که اورښتونه ونه شي فصلونه یې وچېږي او له حکومته غواړي چې د دغه ولایت په چنارتو ولسوالۍ کې د اغاجان په نوم د اوبو بند جوړ کړي.
د هلمند ځایي مسوولین وایي، چې د کرنې اوبولګولو او مالدارۍ ریاست په هلو ځلو له افغان کډوالو سره د ډنمارک کمېټې په مالي همکارۍ ۲۲۰ تنو بزګرانو ته کرنیز ماشینونه ورکړل شول.
د بلخ کروندګر او سوداګر په دغه ولایت کې د انجې بوټو او شیرې بیې بېساري ټیټېدو اندېښمن کړي او له حکومته غواړي چې د بازارموندنې برخه کې مرسته ورسره وکړي.
د سرپل یو شمېر کروندګر د تېر کال په نسبت د پنبې د بیې پنځوس سلنه ټیټوالي له امله اندېښمن دي، خو د کرنې ریاست مسوولین وايي، د دغه ولایت د پنبې لپاره د بازار پیدا کولو په هڅه کې دي.
د بلخ کروندګر په دغه ولایت کې د پیازو بیو بېساري ټیټېدو ته اندېښمن دي او له حکومت غواړي چې له دوی سره د بازارموندنې او د سړو خونو په جوړولو کې مرسته وکړي.
