د کونړ ولایت په اسمار او نورګل ولسوالیو کې د کرنې ریاست تر چتر لاندې د خوړو او کرنې نړیوال سازمان په مالي ملاتړ او د افغانستان د راتلونکو نسلونو موسسې په تخنیکي همکارۍ دوه زره کسانو ته د کار زمینه برابره شوه .
د سرپل بزګر په دغه ولایت کې د پیازو بیو بېساري ټیټېدو اندېښمن کړي او له حکومت غواړي چې له دوی سره د بازارموندنې او د لویو سړو خونو جوړولو په برخه کې مرسته وکړي.
د ننګرهار د کرنې او مالدارۍ رياست مسوولين وايي، سږ کال په دغه ولايت کې د پنبې حاصلات ډېر شوي، خو کروندګر غوښتنه کوي چې د پنبې حاصلاتو ته بايد مناسب بازار پيدا شي.
میدانوردګو کې یو شمېر کروندګر وايي، رومیان یې حاصل ته رسېدلي خو د تورخم لارې له بندېدو سره یې بیه دومره ټيټه شوې چې ان خپل لګښت هم نه شي پوره کولای.
د کونړ یو شمېر کروندګر له حکومته غواړي چې د دوی للمي ځمکو ته د دغه ولایت له سینده کانال تېر کړي.
اروزګان کې یو شمېر کروندګر وايي، په دغه ولایت کې د انځر باغونو ښه نتیجه ورکړې او که یې حاصلاتو ته بازار پیدا شي د کوکنارو ښه بدیل کېدای شي.
فاریاب کې د خټکیو د حاصلاتو راټولولو موسم رارسېدلی، خو د دغه ولایت یو شمېر کروندګر د خپلو حاصلاتو د خرڅلاو لپاره د بازار او د ساتنې لپاره یې د سړوخونو له نشتوالي شکایت لري.
د بغلان کروندګر وايي چې سږ کال په دغه ولايت کې د روميانو د حاصلاتو کچه لوړه ده خو نرخونه يې ډېر ټيټ دي چې دوى يې له تاوان سره مخ کړي.
لوګر يو شمېر کروندګر وایي، د پخوا په پرتله په دغه ولايت کې د هوږې کرکېله د پام وړ زیاته شوې او کروندګر هر کال له دې لارې سلګونه زره افغانۍ ګټه ترلاسه کوي.
هلمند کې یو شمېر کروندګر وايي، سږ کال يې د غنمو حاصلات ښه شوي خو بيه يې ټيټه ده او نه شي کولی شوی لګښت پوره کړي.
د غزني د جغتو ولسوالۍ یو شمېر اوسېدونکي وايي، د باغچري بند له اوبو ډک شوی او د دوی د کرنیزو ځمکو خړوبولو لپاره باید د دغه بند اوبه ور خوشې شي.
د دایکنډي یو شمېر کروندګر وايي، په دغه ولایت کې اوس هم کرکیله په پخوانۍ او دودیزه بڼه ترسره کېږي او حکومت باید د کرنې میکانیزه او عصري کولو برخه کې ورسره مرسته وکړي.
افغانستان لپاره د ملګرو ملتونو د سرمنشي ځانګړې استازې روزا اوتونبایوا د ریاستالوزرا له سیاسي مرستیال او کفیل مولوي عبدالکبیر سره په لیدنه کې د کوکنارو په کښت کې کموالی مثبت ارزولی او په ډاګه کړې چې له کروندګرو سره د مرستو په موخه یې له چین او هندوستان څخه مرسته غوښتې ده.
د جوزجان ځيني کروندګر د اندېښنې په څرګندولو سره وایي، د وچکالۍ له امله یې د للمي او ابي غنم کروندې د له منځه تلو له خطر سره مخ دي او حکومت باید دې برخه کې پاملرنه وکړي.
په کندهار ولایت کې له سږني اورښتونو سره د دهلې بند له اوبو ډک شوی چې اوبه یې د ولسوالیو ځمکو ته رسېدلې او ورسره ځايي کروندګر سږ کال د حاصلاتو ډېرېدو ته هیلهمن شوي دي.
هلمند کې یو شمېر بزګر او بڼوال وايي، د سړو خونو نشتوالي له امله يې کرنیز محصولات یا خرابېږي او یا یې هم په ډېره کمه بیه پلوري.
د بادغیس ځيني کروندګر سږني موسمي اورښتونو ته خوښ دي او وایي، دغه اورښتونه د دوی پر حاصلاتو ښه اغېز لرلی شي.
په کندهار کې ګڼ شمېر کروندګرو- چې پخوا یې پر خپلو ځمکو کوکنار کرل- سږ کال یې ګازرې کرلې خو وايي، بیه یې ټیټه ده او بازار نه لري.
د بغلان يو شمېر کروندګر وايي، د سږ کال سړې هوا په دغه ولايت کې د غنمو زرګونه جريب کروندې له منځه وړې او دوى يې له مالي ستونزو سره مخ کړي دي.
تخار له وروستیو اورښتونو سره سم ځيني ګروندګر خوښي څرګندوي، وايي، سږ کال یې د وچکالۍ له امله حاصلات ښه نه وو خو راتلونکي کال ته هیلهمن دي.
د کندهار د کرنې، اوبو لګولو او مالدارۍ ریاست وایي، سږ کال تر اوسه په کندهار کې ۶۸ ملي متره باران شوی او تمه لري نور اورښتونه هم وشي او کال به اباد وي.
د دایکنډي بزګر وایي، په وروستیو کلونو کې په دغه ولایت کې د هنګ طبي بوټي کرکېله دود شوې او دې چارې ته خوشبینه دي.
د هرات یو شمېر کروندګر په دغه ولایت کې د معیاري سړوخونو پر نهشتون نیوکه کوي او وايي، هر کال یې ډېر کرنیز محصولات خرابېږي او یا یې په ډېره ټيټه بیه پلوري.
په هلمند ولایت کې یو شمېر کروندګر وايي، د پنبې لپاره يې مناسب بازار نشته او دوی اړ دي چې خپل محصولات په ټيټه بیه وپلوري.
