دا راپور واورئ
۰:۰۰ / ۱:۰۰
چاريکار (پژواک ١٣ مرغومى ٩١): د پروان په شينواري ولسوالۍ کې د سيمه ييزو پوليسو پر پوسته په بريد کې يو پوليس ووژل شو.
د شينواري ولسوال قاضي صاحب زاده ګل طارق پژواک خبري اژانس ته وويل، چې وسلوالو مخالفينو تېره شپه د دې ولسوالۍ په نمک اب سيمه کې د سيمه ييزو پوليسو پر پوسته بريد وکړ.
دى وايي، چې په دې لنډه نښته کې د يارمحمد په نوم له يادو پوليسو څخه يو تن ټپي شو، خو روغتون ته پر لاره يې ساه ورکړه.
د وسلوالو طالبانو وياند ذبيح الله مجاهد وايي، چې دغه بريد د دوى کسانو کړى او وژل شوى يارمحمد د يادې پوستې قوماندان و.
دى وايي، چې په دغه بريد کې څلور پوليس ټپيان شوي هم دي.
