دا راپور واورئ
۰:۰۰ / ۱:۰۰
اسعد اباد( پژواک ١٦ غبرګولى ٩٢) :چارواکي وايي ،چې د کونړ په ماڼوګي ولسوالۍ کې د نړيوالو ځواکونو بې پيلوټه الوتکې د يوې کورنۍ درې تنه وژلي او اوه تنه نور ټپيان دي.
د کونړ والي سيد فضل الله وحيدي وايي ، چې دغه پېښه نن سهار د دنګليک په کلي کې د طربازخان پر کور د بريد له امله رامنځ ته شوې ده.
نوموړي د غبرګولي په ١٦ مه پژواک اژانس ته وويل، وژل شوي درې واړه ماشومان دي،چې دوه هلکان او يوه نجلۍ ده.
د والي په خبره،په بريد کې ټپيان شوي د درملنې لپاره روغتون ته ليږدول شوي،چې ده يې روغتيايي حالت ښه وباله.
د دې کورنۍ يوتن غړي رازق الله پژواک ته وويل،چې نن سهار په کور کې ناست و،چې د ډز غږ يې واوريد،خو وروسته پوه نشو،چې څه پېښه شول.
دى وايي،چې په ټپيانو کې هم درې ماشومان دي ، خو اوس يې روغتيايي حالت ښه دى.
