منځپانګې ته تلل
سه‌شنبه ۱۷ نومبر ۲۰۲۶ · کابل ۹:۰۰ غ.م
۷°صاف · ↑۱۴° ↓۱°د هوا کیفیت: منځنی

د ” ګلف ” ملي لوبډله پاکستان ته روانه شوه

· ۱ دقیقه لوستل · ۶۲ کتنې

کابل (پژواک ٢٢ غويى ٩٣ ): د افغانستان د ” ګلف” ملي لوبډله د ګلف په نړيوالو سياليو کې د ګډون په موخه  پاکستان ته روانه شوه.

د افغانستان د ملي اولمپيک کمېټۍ له خوا د غويي په ٢٢مه پژواک خبري اژانس ته په يوه رالېږل شوې خبرپاڼه کې راغلي، ټاکل شوې  ګلف اماتور سيالۍ د غويي په ٢٣مه د سې شنبې په ورځ د پاکستان په لاهور ښار کې پيل شي.

سرچينې زياته کړې، چې په دغو سياليو کې د ٢٠ هېوادونو ملي لوبډلې برخه اخلي او يوه اونۍ به ادامه لري.

په خبرپاڼه کې راغلي، چې د افغانستان له لوري درې لوبغاړي برخه اخلي، چې له يوه روزونکي سره لاهور ته تللي دي.