کابل ( پژواک، ١١ تله ٩٣ ) : د افغانستان د تېکواندو يو لوبغاړى د کوريا داسيا په اولمپېک سياليو کې د برونز مډال خپل کړى دى.
د سويلي کوريا په انچيون ښار کې د اسيا داولمپيک سيالۍ روانې دي چې له افغانستان هم په په بېلا بېلو لوبو کې لسګونو لوبغاړو برخه اخيستې ده.
د افغانستان د ملي اولمپيک کمېټې لخوا د تلې په ١١مه، پژواک خبري اژانس ته په يوه رالېږل شوې خبرپاڼه کې راغلي دي چې د تېکواندو افغان لوبغاړي رومان عباسي د ٦٣ کيلو ګرامه وزن په کټګورۍ کې د قرغېزستان، يمن او هندوستان خپلو سياليو لوبغاړو ته په ماتې ورکولو سره د برونز مډال ترلاسه کړ.
په داسې حال کې ده، چې د افغانستان د کرکټ الف لوبډله لا دمخه په دې سياليو کې يو مډال يقيني کړى او نن دسرو زرو د مډال لپاره سيالي کوي.









