منځپانګې ته تلل
دوشنبه ۱۶ نومبر ۲۰۲۶ · کابل ۸:۲۷ غ.م
۵° — په ټولو ولایتونو کې هوا
صاف · ↑۱۴° ↓۱°
د هوا کیفیت: منځنی

ډاکټر فيروز د عامې روغتيا وزير شو

· ۱ دقیقه لوستل · ۱۰۵ کتنې

کابل (پژواک، ٨ سلواغه ٩٣): ولسي جرګې د عامې روغتيا وزارت کانديد ډاکټر فيروزالدين فيروز ته د تاييد رايه ورکړه.

د ولسي جرګې په نننۍ ناسته کې، چې ٢٤٣ استازي په کې حاضر وو، 170 موافقې او 54 مخالفې رايې وکارول شوې.

همدارنګه د کارول شوو رايو له ډلې 4 باطلې او 12 سپينې دي.

فيروز له ٢٤ کانديد وزيرانو او د افغانستان بانک او د ملي امنيت د رييسانو په توګه، تېره اوونۍ د حکومت له خوا ولسي جرګې ته ور پېژندل شوي وو.

له دې ډلې، يواځې ١٨ نوماندانو او د ملي امنيت کانديد رييس خپل کاري پروګرامونه ولسي جرګې ته وړاندې کړل؛ خو پاتې نور نوماند وزيران او د افغانستان بانک کانديد رييس د دوګوني تابعيت او ځينو نورو ستونزو له امله رد شول او ولسي جرګې ته د خپلو پروګرامونو وړاندې کولو اجازه ورنه کړل شوه.