پلخمري ( پژواک، ١٥ ورى ٩٤) : د بغلان ولايت په مرکز پلخمري ښار کې د چاودنې له امله پنځه تنه وژل شوي او ٧ نور ټپيان شوي دي.
د بغلان د امنيه قوماندانۍ وياند جاوېد بشارت د وري په ١٥مه، پژواک خبري اژانس ته وويل چې دا چاودنه نن مازيګر په شاوخوا څلورو بجو د پلخمري زاړه زندان ته څېرمه شوې ده.
هغه زياته کړه، چې په دې چاودنه کې د ښځو او ماشومانو په ګډون ١٣ تنو ته مرګ ژوبله اوښتې ده.
بشارت وايي چې چاودېدونکي توکي په يوه موټرسايکل کې ځاى پر ځاى شوي وو او موخه يې د ملي اردو رېنجر موټر و.
د پلخمري د ملکي روغتون رييس احمد بارز فيض زاده پژواک اژانس ته وويل چې دوى ته پنځه جسدونه او ٧ ټپيان راوړل شوي دي.
دى وايي چې په وژل شويو کسانو کې يوه ښځه او يو ماشوم او په ټپيانو کې يوه ښځه او دوه ماشومان شامل دي.
نوموړي د دوو ټپيانو روغتيايي حالت د اندېښنې وړ وباله.
ددې چاودنې مسووليت تر اوسه چا پر غاړه نه دى اخيستى.
غړيYou need to subscribe to view the full article. Please login or register a new account.
