کابل (پژواک١٠غويى٩٤): د عامې روغتيا وزارت او د امريکا د متحده ايالاتونو نړيوالې پرمختيايي ادارې په افغانستان کې د نري رنځ د مخنيوي په برخه کې هوکړه وکړه.
دغه څرګندونې په هغه خبرپاڼې کې راغلي، چې د امريکا د نړيوالې پرمختيايي ادارې د مطبوعاتي دفتر له لوري، نن پژواک خبري اژانس ته رسېدلې ده.
د خبرپاڼې په حواله، د يادې هوکړې بنسټيزه موخه دا ده، چې د افغانستان په پنځو لويو ولايتونو کابل، بلخ، هرات ، کندهار او ننګرهار کې د نري رنځ د مخنيوي په برخه کې د ډاکټرانو کاري وړتياوې لوړې شي، ترڅو په سمه توګه د نري رنځ درملنه وکړاى شي.
سرچينه کاږي، په نږدې راتلونکي کې به دغه پروګرام د افغانستان بغلان، بدخشان، خوست، باميان، جوزجان، تخار، فارياب، غزني او پکتيکا ولايتونو ته هم وغځول شي.
سرچينه زياتوي، د امريکا نړيواله پرمختيايي اداره به په راتلونکو پنځو کلونو کې له افغانستان سره د نري رنځ د مخنيوي په برخه کې ١٥ميليونه امريکايي ډالره مرسته وکړي.
د خبرپاڼې د معلوماتو له مخې، هر کال زرګونه افغانان د نري رنځ له امله خپل ژوند له لاسه ورکوي، خو د يادې پروژې په پلي کېدو سره به يې د مړينې کچه راټيټه شي.
غړيYou need to subscribe to view the full article. Please login or register a new account.










