منځپانګې ته تلل
سه‌شنبه ۱۷ نومبر ۲۰۲۶ · کابل ۷:۴۶ غ.م
۳°نیمه ورېځ · ↑۱۴° ↓۱°
د هوا کیفیت: منځنی
غړي

د افغانستان کرکټ لوبډلې سريلانکا ته ماتې ورکړه

· ۱ دقیقه لوستل · ۵۸ کتنې

کابل ( پژواک، ٢٣ زمرى ٩٤ ) : د افغانستان د کرکټ الف لوبډلې په يوه ورځنۍ سيالۍ کې د سريلانکا الف لوبـډلې ته ماتې ورکړه.

د افغانستان کرکټ بورډ وياند فريد هوتک د زمري په٢٣مه، پژواک خبري اژانس ته وويل چې دا يو ورځنۍ لوبه پرون د سريلانکا په پلازمېنه کولمبو کې ترسره شوه.

هغه زياته کړه، چې د سريلانکا لوبډلې پچه وګټله او لومړى يې د توپوهنې پرېکړه وکړه، دغې لوبـډلې په ټاکل شويو ٥٠ اوورنو کې د ټولو لوبغاړو په سوځېدو ٢٣٩ منډې جوړې کړې او افغان لوبډلې ته يې د ٢٤٠ منډو هدف ورکړ.

د افغانستان له لوري پياوړي توپ اچوونکي حمزه هوتک د سريلانکا شپږ لوبغاړي وسوځول، حشمت الله شهيدي دوه او فريد ملک يو لوبغاړى وسوځاوه.

هوتک وايي چې افغانستان ياد هدف د يوې په زړه پورې سيالۍ وروسته په ٤٩ اوور کې ترلاسه او لوبه يې  وکړه.

د افغانستان له لوري  حشمت الله شهيدي ٨٧ او نور و لي ځدراڼ ٥٣ منډې جوړې کړې.

حشمت الله شهيدي او حمزه هوتک د سيالۍ غوره لوبغاړي ونومول شول.

د يادونې ده چې تر دې مخکې افغانستان په دوو څلور ورځنيو سياليو کې هم د سريلانکا دغې لوبـډلې ته ماتې ورکړې وه.

غړي

You need to subscribe to view the full article. Please login or register a new account.

اړوند خبرونه

ټول لوبې