منځپانګې ته تلل
دوشنبه ۱۶ نومبر ۲۰۲۶ · کابل ۷:۴۲ غ.م
۱° — په ټولو ولایتونو کې هوا
صاف · ↑۱۴° ↓۱°
د هوا کیفیت: منځنی
غړي

” د ميليونونو افغانانو روغتيا اوسمهال له ګواښ سره مخامخ ده”

· ۲ دقیقې لوستل · ۷۹ کتنې

کابل (پژواک ١٤ تله ٩٤):  د عامې روغتيا وزارت په کندوز ولايت کې د بې پولې ډاکټرانو پر روغتون د بمبار په تړاو د بې پرې څېړنو غوښتنه وکړه او وايي، د نړيوالو روغتيايي بنسټونو له نه شتون پرته د ميليونونو افغانانو روغتيا دا مهال له ګواښ سره مخامخ ده.

تېره اوونۍ د طالبانو له لوري د کندوز ښار تر نيولو وروسته، کندوز ښار کې د بې پولې ډاکټرانو پر روغتون د امريکايي الوتکو له لوري هوايي بريد وشو.

د بې پولې ډاکټرانو  نړيوال سازمان د څرګندونو له مخې، د بريد پرمهال د لسګونو کارکوونکو په ګډون ١٨٠ کسان په روغتون کې موجود وو، چې پر دې روغتون د امريکايي ځواکونو بمبار کې د دې مرکز ١٢ کارکوونکي او ١٠ ناروغان ووژل شول او ٣٧ نور ټپيان دي.

هغه خبرپاڼه چې نن (د تلې ١٤مه) د عامې روغتيا وارت له لوري پژواک خبري اژانس ته را رسېدلې، په کې راغلي چې د عامي روغتيا وزارت د کندوز ولايت د بې پولې ډاکټرانو پر روغتون د بريد په اړه، له بې پرو او هراړخيزو څېړنو څخه ملاتړ کوي.

په خبرپاڼه کې راغلي، پر روغتون  د وروستي هوايي بريد له امله چې د يو شمېر روغتيايي پرسونل او ناروغانو د وژل کېدو او ټپي کېدو لامل شو، د  سيمه ييزو او نړيوالو روغتيايي، طبي او جراحي پرسونل فعاليتونه يې له ګواښ سره مخامخ کړي دي.

سرچينې د دې مطلب په څرګندولو سره چې روغتيايي پرسونل د هېواد په هېڅ سيمه کې ځان خوندي نه بولي، زياته کړې چې ځينې نړيوال روغتيايي بنسټونه له ياد بريد څخه وروسته،  افغانستان کې د ګواښ زياتېدو له امله د خپل اوسېدو په اړه اندېښنه لري.

په خبرپاڼه کې زياته شوې،  د عامې روغتيا وزارت د نړيوالو روغتيايي بنسټونو پر شتون متکي دى او  په ورته وخت کې د هغوى له کار او فعاليت څخه منندوى دى.

د هېواد عامې روغتيا وزارت ويلي، نادولتي موسسې، په ځانګړې توګه د روغتيايي خدمتونو وړاندې کولو په برخه کې ارزښتناک فعاليتونه ترسره کوي، نو د هغوى له نه شتون پرته به ميليونونه افغانان له دوامداره ناروغيو څخه وځورېږي، د ماشومانو او مېرمنو د مړينې کچه به د اوسمهال په پرتله لوړه شي.

 

 

 

 

 

 

 

غړي

You need to subscribe to view the full article. Please login or register a new account.

اړوند خبرونه

ټول روغتیا