غزني ښار(پژواک، ۱۱ لړم ۹۴): په غزني ولايت کې د بدمنتون ورزشکارانې وايي که اړين امکانات ورته برابر شي نو دوى به وکولاى شي په هېواد دننه او بهر کې ښې لاسته راوړنې ولري.
په غزني کې د بدمنتون لوبډلمشرې هما رضايي پژواک خبري اژانس ته وويل چې په دې ولايت د بدمنتون لوبغاړي اړين امکانات نه لري تر څو وکولاى شي د سياليو لپاره چمتووالى ونيسي.
خو هغې زياته کړه : (( غزني یو نا امن ولایت دي خو نجوني يې په سیالۍ کې برخه اخلي چې دا يوه لويه خبره ده.))
دې وويل که چيرې په غزني کې د بدمنتون ښځينه لوبغاړو ته اړين امکانات برابر شي څو ښې لاسته راوړنې ولري.
په غزني کې د بدمنتون لوبغاړې نسرين پژواک ته وويل: ((په اوله کې موږ ته کورنيو اجازه نه راکوله خو اوس يواځې د لوبغالي او ورزشي کاليو د نه شتون په برخه کې ستونزې لرو.))
د هغې په وينا که چېرې په دې ولايت کې د بدمنتون د لوبغاړو ستونزې هوارې شي نو دغه لوبغاړي به وکولاى شي په هيواد دننه او بهر کې ښې لاسته راوړنې ولري.
په غزني کې د المپيک امريت مرستيال ذاکر حسين هم پژواک ته وويل چې په دې ولايت کې د بدمنتون ښځينه لوبغاړي د ځاى د نه شتون تر څنګ ځيني نورې ستونزې هم لري.
خو ده وويل چې د يادو ستونزو د حل په موخه يې په کابل کې د المپيک له رياست سره خبرې کړې او ډېر ژر به دغه ستونزې هوارې شي.
د حسين د معلوماتو له مخې، په دغه ولايت کې د نارينه وو تر څنګ د سلو په شاوخوا کې نجونې هم په بېلابېلو برخو کې په ورزش بوختې دي.
د يادې ونې ده، څه موده وړاندې په کابل کې د کابل د څلورو لوبډلو او ٢٠ ولايتونو تر منځ د بدمنتون سيالۍ ترسره شوې چې په دې سياليو کې د غزني لوبډلې وکولاى شول درېيم ځاى خپل کړي.
بدمنتون هغه لوبه ده چې د دوو يا څلورو لوبغاړو له خوا د جالۍ دارې ډنډې په وسيله پر لرونکى توپ وهي او دا معمولاً په سر پټو سالونونو کې ترسره کېږي.
غړيYou need to subscribe to view the full article. Please login or register a new account.










